Jyl basynan bergi 4 aıdaǵy salyq túsimi byltyrǵydan 1,6 esege kóp
2022 jylǵy 19 mamyr 11:14

Jyl basynan bergi 4 aıdaǵy salyq túsimi byltyrǵydan 1,6 esege kóp

NUR-SULTAN. QazAqparat - Jyl basynan bergi 4 aıda memleket bıýdjetinen 4 917,2 mlrd teńge salyq tústi. Ótken jylǵy sáıkes kezeńmen salystyrǵanda 1,6 ese kóp, dep habarlaıdy QR QM Memlekettik kirister komıtetiniń baspasóz qyzmeti.

2022 jylǵy 4 aıda Memlekettik bıýdjetke salyq túsimderi boıynsha jospar 110,1% oryndaldy. Bekitilgen jospar - 4 466,4 mlrd. teńge, ol 450,8 mlrd. teńgege asyra oryndalyp, 4 917,2 mlrd. teńge tústi. Bul ótken jylǵy sáıkes kezeńmen salystyrǵanda 1,6 ese nemese 1 873,5 mlrd teńgege kóp túsken.

Onyń ishinde:

- Respýblıkalyq bıýdjet 100,7% oryndaldy (jospar boıynsha 3 290,9 mlrd.teńge, ol 23,9 mlrd. teńgege asyra oryndalyp 3 314,8 mlrd. teńge tústi), ótken jylǵy uqsas kezeńmen salystyrǵanda 1,8 ese nemese 1 494,5 mlrd. teńgege ósti.

- Jergilikti bıýdjet 136,3% oryndaldy (jospar boıynsha 1 175,5 mlrd.teńge, ol 427,0 mlrd. teńgege asyra oryndaldy 1 602,5 mlrd. teńge tústi) 2021 jylǵy uqsas kezeńmen salystyrǵanda 31,0% nemese 379,0 mlrd. teńgege ósti.

2021 jylǵy uqsas kezeńimen salystyrǵanda respýblıkalyq bıýdjetke túsimderdiń eń kóp somasy munaıǵa salynatyn korporatıvti tabys salyǵy boıynsha 571,0 mlrd. teńgege nemese 2 esege , ishki tutyný taýarlaryna qosylǵan qun salyǵy 433,2 mlrd. teńge nemese 4,6 esege , eksporttyq keden bajdary boıynsha 311,9 mlrd. teńgege nemese 2,1 esege , úshinshi elderden ımportqa QQS 90,4 mlrd. teńgege nemese 39,0% -ǵa, KO elderinen ımportqa qosylǵan qun salyǵy 53,1 mlrd. teńgege nemese 21,0% -ǵa, paıdaly qazbalardyń óndirisine salynatyn salyǵy 41,1 mlrd. teńgege nemese 42,2% -ǵa óskeni baıqalady.

Túsimderdiń ósýine mynadaı faktorlar áser etti.

2022 jyly 4 aıda ótken jylǵy uqsas kezeńmen salystyrǵanda negizgi eksporttyq pozıtsııalarǵa, onyń ishinde munaıǵa 65,1%, alıýmınııge 51,9%, myryshqa 40,9%, qorǵasynǵa 16,5%jáne mysqa 15,4% baǵanyń ósýi baıqalady. Shıki munaıǵa salynatyn kedendik áketý bajynyń mólsherlemesi 56,4%-ǵa ósti (1 tonna úshin ortasha mólsherlemesi 2021 jylǵy qańtar-mamyr aıynda – 55,0 $, 2022 jylǵy qańtar-mamyr aıynda – 86,0$).

Aǵymdaǵy jylǵy 4 aıda úshinshi eldermen taýar aınalymy 1,5 esege ulǵaıdy (eksport 1,7 ese , ımport 1,2 ese ósti).

Ótken jylǵy uqsas kezeńimen salystyrǵanda 2022 jylǵy 4 aıda ótkizý boıynsha aınalym 24,4%-ǵa ulǵaıdy (31 565 mlrd. teńgeden 39 266 mlrd. teńgege deıin).

2022 jylǵy 4 aıda elektrondy shot-faktýralar derekteri boıynsha ózi tutyný úshin taýarlar óndiretin jáne qyzmetter kórsetetin, úı qyzmetshisin jaldaıtyn jáne úı sharýashylyqtary qyzmeti 5,8 esege, aqparat jáne baılanys 1,8 esege, óner, oıyn-saýyq jáne demalys 1,6 esege, ózge de qyzmet túrlerin usyný 58,4%-ǵa, ken óndirý ónerkásibi jáne karerlerdi qazý 53,0%-ǵa, bilim berý 37,4%-ǵa, aýyl, orman jáne balyq sharýashylyǵy 35,8%-ǵa, kásibı, ǵylymı jáne tehnıkalyq qyzmet 35,6%-ǵa, ákimshilik jáne qosalqy qyzmet kórsetý salasyndaǵy qyzmet 25,6%-ǵa, kóterme jáne bólshek saýda 23,8%-ǵa jáne qurylys 23,5%-ǵa ósti.


Uqsas jańalyqtar

Jańalyqtar

MURAǴAT