+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

«Jastar – Otanǵa!»: SQO-da jyl saıyn 5,8 myń jas maman jumysqa ornalastyrylady

2021 jylǵy 10 maýsym 14:58
Bólisińiz:
«Jastar – Otanǵa!»: SQO-da jyl saıyn 5,8 myń jas maman jumysqa ornalastyrylady

PETROPAVL. QazAqparat – Soltústik Qazaqstan oblysynda «Nur Otan» partııasy 5,8 myńǵa jýyq jas mamandy jyl saıyn jumysqa ornalastyrýdy josparlap otyr, dep habarlaıdy QazAqparat tilshisi.

«Nur Otan» partııasy SQO fılıaly baspasóz qyzmetiniń málimetinshe, jastar úshin mańyzdy sharalar «Jastar – Otanǵa!» baǵdarlamasy aıasynda júzege asady. Óńirlik joba 2025 jylǵa deıin shaqtalǵan. Baǵdarlamany oblys ákimi, fılıal tóraǵasy Qumar Aqsaqalovtyń qatysýymen ótken «Nur Otan» partııasy óńirlik fılıaly Saıası keńesi Bıýrosynyń músheleri bekitti.

SQO boıynsha «Jastar – Otanǵa!» jastardy qoldaý baǵdarlamasy naqty 5 baǵyt boıynsha júzege asyrylady. 5 jyl ishinde keshendi is-sharalarmen 100 myńǵa jýyq jasty qamtý josparlanǵan. Óńir boıynsha baǵdarlamany ázirleý kezinde 300-den astam usynys kelip tústi, onyń 100-i baǵdarlamanyń ózine engizildi.

«Oblysta 14-ten 28 jasqa deıingi jastar sany 98 910 adam, bul oblys halqynyń 18,2%. Joǵary jáne arnaýly orta oqý oryndaryndaǵy stýdent jastardyń sany – 18 224 adam. Jastar úshin baǵdarlama aıasynda 5 baǵyt qarastyrylǵan: azamattyq belsendilik, sapaly bilim, jumysqa ornalastyrý jáne jumyspen qamtý, jas otbasylardy qoldaý jáne qoljetimdi baspana, sondaı-aq jeke tulǵalyq damý jáne bos ýaqytty tıimdi ótkizý. Baǵdarlamany tıimdi iske asyrý úshin oblystyq, qalalyq jáne aýdandyq jol kartalary jeke ázirlendi. Óńir boıynsha barlyǵy 775 keshendi is-sharalardy iske asyrý jospary jasalynyp, 358 ındıkator aıqyndaldy. Oblystyq jol kartasy 34 naqty ındıkatordan jáne 72 keshendi is-sharadan turady», - dedi «Jas Otan» JQ SQOF tóraǵasy Birjan Qudaıbergenov.

Baǵdarlamanyń negizgi baǵyty - jumyspen qamtý jáne jastar arasyndaǵy jumyssyzdyq deńgeıin tómendetý. Osylaısha, jol kartasy sheńberinde jyl saıyn keminde 5,8 myń jasty jumysqa ornalastyrý, 1,5 myń jasty óz bıznesin ashý daǵdylaryna úıretý, «Bastaý bıznes» jáne «Jas kásipker» jobalary aıasynda 500-den astam kredıt pen grant bólý josparlanǵan. Ónerkásipte jańa kásiporyndar qurý arqyly jas mamandarǵa jumys oryndary usynylady.

Stýdent jastarǵa da erekshe kóńil bólinedi. Oblystaǵy jalǵyz joǵary oqý ornynyń materıaldyq-tehnıkalyq bazasyn nyǵaıtý boıynsha jumystar júrgiziledi, bıyl zamanaýı tehnologııalarmen jáne 73 zerthanamen jabdyqtalǵan oqý-zerthanalyq korpýstyń qurylysy aıaqtalady. JOO stýdentteri úshin 500 oryndyq 2 jańa stýdenttik úıdiń qurylysy júrgizilip jatyr. Sonymen qatar, qala kolledjderiniń oqýshylary úshin 488 oryndyq taǵy 2 jataqhana qurylysy bastaldy.

«2017 jylmen salystyrǵanda oblystan mektepteri túlekteriniń ketýi 30-dan 12% deıin tómendedi. «Dıplommen aýylǵa» baǵdarlamasy arqyly biz aýyldarda mamandardyń jetispeýshiligi máselesin sheshýdi josparladyq. Sondaı-aq, «Serpin-2050» baǵdarlamasy júzege asyrylyp, 2014 jyldan bastap osy baǵdarlama boıynsha M.Qozybaev atyndaǵy Soltústik Qazakstan ýnıversıtetine 1546 adam kelip oqýǵa tústi. Oblysta jastardyń 30 %-dan astamy dene shynyqtyrýmen jáne buqaralyq sport túrimen aınalysady. Sondaı-aq, sportshy jastarymyzǵa 3 myń oryndyq úlken sport saraıyn salý arqyly qoldaý kórsetiledi. Sondaı-aq, sporttyq nysandar men qurylystar salý josparlanyp otyr, sonyń arqasynda jastardyń buqaralyq sportpen qamtylýy 45% deıin jetedi», - dedi partııanyń óńirlik fılıalynyń tóraǵasy Qumar Aqsaqalov.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT