+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Jasóspirimderge neshe saǵat jumys isteýge bolady

2021 jylǵy 13 maýsym 21:38
Bólisińiz:
Jasóspirimderge neshe saǵat jumys isteýge bolady

PETROPAVL. QazAqparat – Soltústik Qazaqstan oblysynda tártip saqshylary saýda, oıyn-saýyq ortalyqtaryna jáne saıabaqtarǵa reıdter ótkizip jatyr, dep habarlaıdy QazAqparat tilshisi.

Uqsas jańalyqtar
Jyl basynan beri eńbek ınspektorlary 13,2 myńnan astam jumyskerdiń quqyǵyn qorǵady

Reıd maqsaty – jumys isteıtin jasóspirimdermen kezdesip, olardyń zańdy quqyqtary jaıynda aqparat berý.

SQO Polıtsııa departamenti baspasóz qyzmetiniń málimetinshe, jazǵy demalys kezinde jasóspirimder aqsha tabý úshin kóbinese saıabaqtarda turyp, balmuzdaq satady nemese oıyn-saýyq ortalyqtaryna daıashy bolyp jumysqa turady. Alaıda olardyń basym bóligi óziniń zańdy quqyǵyn bile bermeıdi.


«Reıdke shyqqandaǵy maqsatymyz – balalardyń eńbegin qanaýǵa jol bermeý. Óıtkeni balalar jumys isteýge turǵanymen, óz quqyqtaryn bilmeıdi. Jumys berýshimen kelisimshartqa otyrmaýdyń saldarynan eńbekaqydan qaǵylý qaýpi bar, ıaǵnı jumys berýshi tólemeı qoıýy múmkin. Zań boıynsha jasóspirim bilim alýyna kedergi keltirmese jumys isteı alady. Eger bala 14 jasqa tolmasa ol mádenı salaǵa, onda da ata-anasynyń jazbasha ruqsatynan keıin ǵana jumysqa tura alady», - deıdi Petropavl ıývenaldyq polıtsııasy bólimshesiniń bastyǵy Elmıra Abýsheva.

Tártip saqshylarynyń aıtýynsha, 14-16 jastaǵy jasóspirimder aptasyna 24 saǵat, 16-18 jastan bastap aptasyna 36 saǵat jumys isteı alady. Balalarǵa saǵat 22.00 men 06.00 aralyǵynda eńbek etýge tyıym salynǵan. Sondaı-aq aýyr, densaýlyqqa qaýipti jáne zııandy jerde, qyzmet ýaqytynan tys jumys isteýge, tolyq materıaldyq jaýapty bolýǵa ruqsat joq. Bul talapty oryndamaǵan jumys berýshilerge aıyppul salynady.

Petropavlda bala eńbegine qatysty quqyq buzýshylyqtar boıynsha polıtsııaǵa (7152)39-48-65, «102» nómiri arqyly habarlaýǵa bolady.



Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT