+7 (701) 759 90 19
USD 430.69 EUR 518.42
RUB 5.66 CNY 66.17
Jańalyqtar

Jambyldyqtar bıyl taǵy asarlatyp 100-den astam úı salýdy josparlap otyr

2021 jylǵy 6 naýryz 14:20
Bólisińiz:
Jambyldyqtar bıyl taǵy asarlatyp 100-den astam úı salýdy josparlap otyr

TARAZ. QazAqparat – Jambyl oblysynda ótken jyldyń qańtar-jeltoqsan aılarynda oblysta 618 myń sharshy metr turǵyn úı paıdalanýǵa berildi, onyń 155 myń sharshy metri – kóppáterli úıler, 463 myńy – jeke úıler, dep habarlaıdy QazAqparat tilshisi.

Uqsas jańalyqtar
Bıyl aýyldarda 4 mln sharshy metr turǵyn úı salynady – Beıbit Atamqulov Bıyl aýylda turǵyn úı salýdyń jańa tetigi engiziledi Balqashta kópbalaly otbasylar úshin ekoúıler salynady

Oblystyq ákimdikte ótken basqosý barysynda qurylys basqarmasynyń basshysy Jaıyqbaı Shaldarov aǵymdaǵy jyly 721 myń sharshy metr turǵyn úıdi paıdalanýǵa berý josparlanyp otyrǵandyǵyn jetkizdi.

«Ótken jyly 24,9 mıllıard teńgege 66 kópqabatty turǵyn úı salyndy. Al, bıyl 74 turǵyn úıdiń qurylysyna 23,9 mıllıard teńge bólindi. «Asarlatyp úı salý» jobasy boıynsha aýyl turǵyndary 108 úı salýǵa nıetti», - dedi J.Shaldarov.

Sondaı-aq, búgingi tańda oblysta 30505 adam turǵyn úı kezeginde turǵandyǵy aıtyldy.

«Ótken jyly páterlerge qaraǵanda jeke úıler kóp salyndy. Eger biz osylaı jalǵastyra beretin bolsaq, kezekte turǵandar sany azaımaıdy. Bizdiń maqsatymyz – árbir otbasyn turǵyn úımen qamtamasyz etý. Jeke qabyldaýlar kezinde de jáne áleýmettik jelilerde jambyldyqtar turǵyn úı máselesin jıi kóteredi. Olardyń deni óz kezegin on jyldan beri kútip kele jatqandyqtaryna shaǵymdanýda», - dedi oblys ákimi.

Berdibek Saparbaev memlekettik organdardyń QR Ulttyq Bankiniń fılıalymen ózara áreketin kúsheıtýdiń mańyzdylyǵyna nazar aýdartty.

«Bul oraıda Memlekettik baǵdarlamalardyń berer múmkindigi mol, degenmen ol tolyq kólemde paıdalanylmaýda», - dep atap ótti oblys ákimi.

Aımaq basshysy óz sózin aıqyndaı túsip, Jambyl oblysy «7-20-25» baǵdarlamasy boıynsha rásimdelgen nesıeler sany boıynsha 17 oblystyń ishinde 14-shi orynda turǵandyǵyn tilge tıek etti.

Ulttyq bank fılıalynyń basshysy Evgenıı Sharygın aldymen áleýetti satyp alýshylardy anyqtap alyp, sodan keıin ǵana úı qurylysyn júzege asyrý boıynsha usynysyn ortaǵa saldy.

«Otbasy banki» AQ qalalyq fılıalynyń dırektory Gúlzat Beknazarova «Shańyraq» baǵdarlamasyn júzege asyrý boıynsha oblystyń segizinshi orynda ekendigin, al «Baqytty otbasy» baǵdarlamasy sheńberinde 2020 jyly 357 otbasy baspanaly bolǵandyǵyn tilge tıek etti.

«Otbasy banki» bazasynda turǵyn úımen qamtamasyz etý jónindegi ortalyq quryldy, ol turǵyn úı satyp alýǵa nıetti adamdardyń esebin júrgizýmen aınalysady. Halyqtyń áleýmettik osal toptarynan kezekte turǵandardy jeke jalǵa beriletin turǵyn úıdi sýbsıdııalaý tetigi arqyly baspanamen qamtamasyz etý josparlanýda. Al memlekettik qyzmetkerler men bıýdjettik qyzmetkerler qataryndaǵy kezekte turǵandar ony jeńildetilgen zaım arqyly satyp alatyn bolady», - dedi G.Beknazarova.

Onyń aıtýynsha, aǵymdaǵy jyldyń qańtar aıynda Tarazdaǵy jańa turǵyn úı quny úsh paıyzǵa ósken. Bul sońǵy bes jyldaǵy eń joǵary kórsetkish. Aıta ketý kerek, mundaı ósim, respýblıkanyń barlyq iri qalalarynda baıqalýda. Qaıtalama naryqtaǵy turǵyn úı baǵasy da bes paıyzǵa artqan. Bul jambyldyqtardyń memlekettiń qoldaýynsyz jeke baspanaly bolýyn odan ári qıyndata túskeni sózsiz.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT