Jambyl oblysyndaǵy aýylda sulýlyq stýdııasy ashyldy

TARAZ. QazAqparat – Jambyl oblysyn Jambyl aýdanynda eki názik jandy jas kásipker aýyldan sulýlyq stýdııasyn ashty,- dep habarlaıdy QazAqparat tilshisi.

Búginde memlekettik qoldaýdyń arqasynda bıznes ıdeıalaryn júzege asyryp, jańadan kásip ashyp jatqandardyń arasynda jastar kóp. Olardyń qatarynda jambyldyq Jánerke Zaýyrbekova men Aqarý Oralbek te bar. Bul eki jas Asa aýylynyń Abaı kóshesi boıynan sulýlyq stýdııasyn ashqan.

«Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» baǵdarlamasynyń ekinshi baǵyty boıynsha qaıtarymsyz grant ıelendik. Alǵan qarjymyzǵa qajetti qural-jabdyqtardy satyp alyp, aýyldan sulýlyq salonyn ashtyq. Bizdiń salonda shash qyrqý, boıaý, kirpik jalǵaý, tyrnaq boıaý, árleý, shýgarıng sekildi qyzmet túrleri kórsetiledi. Ázirge kelýshiler qarasy qalyń. Jalpy qazirgi tańda bir kásippen aınalysamyn degen jastarǵa barlyq qoldaý kórsetilýde», – deıdi Aqarý Oralbek.

Jalpy, Jambyl aýdanynda ótken jyly 1225 azamat qaıtarymsyz grant berildi. Olardyń 614-i áleýmettik jaǵynan az qamtylǵan otbasy, 19-y múmkindigi shekteýli azamat, 203-i jastar, 2-eýi qandas, 387-i jumyssyz azamattar.