+7 (701) 759 90 19
USD 430.69 EUR 518.42
RUB 5.66 CNY 66.17
Jańalyqtar

Jambyl oblysynda shyny synyqtarynan bir kúnde 35 myńǵa jýyq banka shyǵarylady

2021 jylǵy 28 aqpan 14:53
Bólisińiz:
Jambyl oblysynda shyny synyqtarynan bir kúnde 35 myńǵa jýyq banka shyǵarylady

TARAZ. QazAqparat – Jambyl oblysyndaǵy kásiporyn óńirlerden shyny synyqtaryn jınap, bankanyń 12 túrin shyǵaryp jatyr. Daıyn ónimder Qyrǵyz jáne Ózbekstan memleketterine eksporttalýda, dep habarlaıdy QazAqparat tilshisi.

Uqsas jańalyqtar
SQO-da fermer áıel asyl tuqymdy eshki ósirip jatyr Asqar Mamın Kásipkerlik máseleleri jónindegi jobalyq ofıs otyrysyn ótkizdi Bıyl jazda astanadan Alakólge aptasyna 3 ret poıyz júrýi múmkin - Úkimet

Táýligine 40 tonna shıkizatty óńdeýge qýatty zaýyt aldaǵy ýaqytta ónim kólemin arttyra túspek. Munda bolashaqta bir kúnde 70 myń dana shyny banka daıyndalatyn bolady

Jambyl oblysyndaǵy «Dostyq ı Kompanııa» JShS óndiristik tsehynda shyny bankalaryn óndirisi jaqsy jolǵa qoıylǵan. Kásiporynda táýligine 30-35 myń banki shyǵarylady. ıAǵnı, bankanyń 12 túrin shyǵaratyn zaýyt tsehynda 56 adam jumys isteıdi. Ondaǵy bir jeli syıymdylyǵy 0,5-ten 1 lıtrge deıingi bankalardy shyǵarýǵa arnalǵan. Bıyl onyń ekinshi jelisi iske qosylyp, 2 men 3 lıtr aralyǵyndaǵy bankalar shyǵaryla bastapty.

«Zaýyt bankalardy keń assortımentte shyǵara alady. Jıyntyqtar formalarynyń jetkilikti tańdaýy bar. Óndiriletin ónim sapasy boıynsha «Konservilengen tamaq ónimderine arnalǵan shyny ydys» formasy memlekettik talaptyń barlyq standartyna saı keledi. Kásiporynda shyǵarylatyn ónimge Eýrazııalyq ekonomıkalyq odaq sáıkestigi týraly deklaratsııasy bar. Bul ónimderimizdi Keden odaǵy elderine ótkizýge múmkindik beredi», — deıdi dırektory Murat Qańlybaev.

Zaýyt aýlasynda bir aıǵa jetetin shıkizat qory jıaqtalǵan. Tseh basshysy Esbergen Elamanov shyny balqytýǵa Aral qumyn, Qarataýdyń sodasyn, kvarts qumy jáne barlyq óńirden jınaǵan shyny ydystarynyń synyǵyn paıdalanatynyn aıtty.

«Biz bir táýlikte 40 tonna shıkizatty shyny synyqtarymen qosyp balqytamyz. Aldymen shyny ydystardy arnaıy tazalaýdan ótkizip, qum men sodany, basqa da qospalarǵa aralastyra otyryp untaqtaýdan ótkizemiz. Odan keıin ol shıkizat 1500 gradýstaǵy balqytý peshine túsip, 102 tonnalyq vannada qaınap, balqyp shyǵady. Suıyqtyq tsehtyń eki jelisi arqyly 0,5 gramnan 3 lıtr aralyǵyndaǵy bankalar quımasyna quıylyp, ary qaraı daıyn ónimge aınalady. Tseh jumysy toqtap qalmas úshin bir aı buryn bir aılyq shıkizat qoryn daıyndap alamyz. Qumnan bólek, shısha respýblıkamyzdyń túkpir-túkpirinen jınalyp, osynda jetkiziledi. Qor jınaqtaý máselesi sheshimin tapqan», — dedi ol.

Daıyn ónim Qyrǵyz jáne Ózbekstan Respýblıkalaryna eksporttalady. Al Qazaqstandaǵy negizgi tutynýshysy Túrkistan oblysynyń Túlkibas aýdanyndaǵy konservileý zaýyttary. Qazir kókónis pen tosap jabý kezeńi bolmaǵandyqtan zaýyt aýlasynda daıyn ónim taý bolyp jınaýly tur. Maýsym kezinde bir sátte alań bosap qalady deıdi zaýyt ókilderi. Aldyn ala konservileý zaýyttarynan tapsyrys alǵan kásiporyn búginde tolyq qýatynda jumys isteýde. Alda onyń qýatyn táýligine 70 myń danaǵa jetkizý josparlanǵan.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT