+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Jambyl oblysynda qurylysy uzaqqa sozylǵan 51 nysan anyqtaldy

2021 jylǵy 1 mamyr 03:27
Bólisińiz:
Jambyl oblysynda qurylysy uzaqqa sozylǵan 51 nysan anyqtaldy

TARAZ. QazAqparat – Jambyl oblysynda qurylys normalarynyń 43 buzylýy anyqtalyp, 6,2 mıllıon teńgege aıyppul salynyp, jeti is sotqa joldanǵan. Sondaı-aq, 51 «saqaldy» qurylys anyqtalyp, 33 nysannyń ıelerimen jumysty qaıta bastaý kestesi bekitilipti,- dep habarlaıdy QazAqparat tilshisi.

Uqsas jańalyqtar
Kókshetaýda 67 myń sharshy metrden astam turǵyn úı qurylystary júrgizilýde Qaraǵandynyń ortalyq saıabaǵynda mozaıkalyq músinder qalpyna keltiriledi Óskemendegi Ertis kópiri bıyl jóndelip bitpek

Qurylys salasyndaǵy basty máselelerdiń biri – qurylys sapasynyń durys baqylanbaýy desek, ony keıbir merdigerler jumys qunyn tómendete otyryp, óz paıdalaryn eseleýge tyrysady. Mundaı máselege jol bermes úshin qandaı sharalar qabyldanǵany lázim? Bul týraly oblys ákimi Berdibek Saparbaevtyń tóraǵalyǵymen ótken keńeste jan-jaqty saralandy.

Oblystyq qurylys basqarmasynyń basshysy Erlan Orynbaevtyń aıtýynsha, salynyp jatqan nysandardyń sapasyna eń aldymen durys ázirlenbegen jobalyq-smetalyq qujattama áser etedi. Keıbir jobalaýshylar qurylys aýmaǵyna baryp, mán-jaımen tanyspastan, eskirgen topografııalyq derekterdi paıdalanyp jatady. Naqty is júzinde jergilikti geologııany saralaýǵa kóńil de bólmeıdi. Aıtalyq, Jýaly jáne Baızaq aýdandaryndaǵy mektepterdiń qurylysy kezinde jer asty sýlarynyń kóterilgeni sony kórsetedi.

Tapsyrys berýshilerde jobalardy sapaly tekserýge qabiletti tájirıbeli mamandardyń jetispeýshiliginiń saldarynan qurylys barysynda túrli olqylyqtar bolyp, olardy shuǵyl joıýǵa týra keledi. Erlan Orynbaevtyń aıtýynsha, jobalyq-smetalyq qujattama «Sáýlet bıýrosy» sheńberindegi jumys tobymen kelisilýi kerek.

Sonymen qatar, memlekettik satyp alý konkýrstaryn ýaqytyly ótkizý máselesi de kún tártibinen túspeı keledi. Osy oraıda, qurylysy josparlanǵan 213 nysannyń 12-si boıynsha áli kúnge konkýrstary aıaqtalmaǵan.

Qurylys materıaldaryna keletin bolsaq, kóptegen jergilikti kompanııalar maýsym kezinde tapsyrys kólemin eńsere almaı jatady, bul jaǵdaıda qurylysshylar sheteldik jetkizýshilerge júginýge májbúr bolady.

Sondaı-aq, basqarma basshysy bas merdiger jumystyń tolyq kólemin qosalqy merdigerge berý máselesine nazar aýdartty. Zań boıynsha qosalqy merdigerge beriletin kórsetkish jobanyń 1/3 bóliginen aspaýy tıis. Bul rette mundaı dúnıeler jarnamalaýǵa jatpaıdy jáne ishki sharttarmen resimdeletindigine den qoıylýy kerek. Sonymen qatar, keıbir kásiporyndar birden birneshe nysandy moınyna alyp, jumys aýqymyn ýaqytyly ıegere almaı jatatyny taǵy bar.

MSQB basqarmasynyń basshysy Aıtqazy Qarabalaevtyń aıtýynsha, 16 tekserý qorytyndysy boıynsha qurylys normalarynyń 43 ret buzylǵan anyqtalyp, 6,2 mıllıon teńgege aıyppul salynyp, jeti is sotqa joldanǵan. Sondaı-aq, 51 «saqaldy» qurylys anyqtalyp, 33 nysannyń ıelerimen jumysty qaıta bastaý kestesi bekitilipti. Jyl basynan beri tıisti talaptarǵa sáıkes kelmegendikten 48 qurylys-montajdaý jáne 15 jobalaý jumystaryn júrgizýge lıtsenzııa berýden bas tartylǵan.

«Turǵyndardyń qurylys sapasyna, ásirese turǵyn úı men áleýmettik nysandarǵa qatysty shaǵymdary kóp. Tipti tehnıkalyq jáne avtorlyq qadaǵalaý ókilderiniń jumysy da kóńil kónshitpeıdi. Osy ýaqytqa deıin men olardyń buzýshylyqtary úshin jaýap bergenin kórgen emespin. Jergilikti jerge baılanysty tıptik jobalardy keńirek paıdalaný qajet. Nysandardy jobalaýǵa jáne jalpy alǵanda jobalyq-smetalyq qujattamany ázirleýge baqylaýdy kúsheıtý mańyzdy. Bizge qurylys materıaldaryn shyǵaratyn kásiporyndardyń sanyn kóbeıtý jolynda belsendi jumys istegenimiz abzal. Sondaı-aq, kommertsııalyq turǵyn úı qurylysyn damytýǵa da kóńil bólý kerek», - dedi Berdibek Saparbaev.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT