USD 434.34 EUR 491.93
RUB 5.56 CNY 68.67
Jańalyqtar

Jalǵan shot-faktýralar boıynsha 618 qylmystyq is qozǵaldy – Memlekettik kirister komıteti

2021 jylǵy 22 qarasha 12:45
Bólisińiz:
Jalǵan shot-faktýralar boıynsha 618 qylmystyq is qozǵaldy – Memlekettik kirister komıteti

NUR-SULTAN. QazAqparat – Jalǵan shot-faktýralar boıynsha zalal somasy 183 mlrd teńge bolatyn 618 qylmystyq is qozǵaldy. Bul týraly QR QM Memlekettik kirister komıtetinen málim etti, dep habarlaıdy QazAqparat.

Uqsas jańalyqtar
Pavlodarda mektep oqýshylary turǵyn úı terezesine oq atqan Elordada ıpotekamen «kómektespek» bolǵan alaıaq ustaldy Qostanaı oblysynda asa iri kólemdi geroın partııasy tárkilendi

QR Qarjy monıtorıngi agenttigi buǵan deıin «AıDı stroı» JShS-nyń basshysy D.Qurmanǵojınovanyń zańsyz áreketterinen memleketke 900 mln teńge kóleminde iri zalal keltirilgenin málim etken bolatyn.

«Bul áreketterdi dırektor JShS atynan býhgalterlik qujattarda jalǵan qyzmetter men taýar jetkizilimin kórsete otyryp, 54 tapsyrys berýshiniń atyna jalǵan shot-faktýralar jazyp berý arqyly júzege asyrǵan.

Osy jalǵan mámileler arqyly tapsyrys berýshiler salyq eseptiligindegi shyǵyndardy zańsyz arttyryp, salyq mindettemelerin azaıtqan.

Sot sheshimi zańdy kúshine engennen keıin Memlekettik kirister organdary kameraldyq baqylaý nemese salyq aýdıti sheńberinde talap qoıý merzimi sheginde tólenbegen salyqtardy tapsyrys berýshilerden talap etedi.

Sonymen qatar memlekettik kirister organdary jalǵan shot-faktýralardy paıdalaný arqyly jasalǵan quqyqqa qarsy is-áreketterdiń jolyn kesý boıynsha aldyn alý sharalaryn turaqty negizde qabyldaıdy», - delingen QR QM Memlekettik kirister komıtetiniń habarlamasynda.

Aıta keteıik, adal básekelestikti qorǵaý, «jalǵan mámilelerdi» erte anyqtaý maqsatynda 2019 jyldan bastap táýekelderdi basqarý júıesin paıdalana otyryp, táýekeli joǵary salyq tóleýshiler boıynsha elektrondy shot-faktýralardy jazyp berýdi shekteý jónindegi pılottyq joba iske qosyldy. Bul maqsat zııatkerlik taldaýdy qoldana otyryp, elektrondyq shot-faktýralardyń málimetterin taldaý arqyly júzege asyrylady.

Bul adal bızneske ózderin «bir kúndik» fırmalarmen baılanystan qorǵaýǵa kómektesedi, aıtarlyqtaı zııan keltirý jáne uzaq ýaqyt ótkennen keıin ósimpuldardy esepteı otyryp salyq tóleý qaýpin azaıtady.

«Búgingi tańda 8 myń salyq tóleýshige EShF jazý múmkindigi shektelgen, mundaǵy táýekel aınalymynyń somasy 3,3 trln teńge.

Budan ári, narazylyq-talap qoıý jumysy júrgizilýde, onyń nátıjesinde búginde 529 mlrd teńgege EShF jazǵan mekemelerdiń tirkelýi jaramsyz dep tanyldy, 160 mlrd teńge mámileleri jaramsyz dep tanyldy. Qazaqstan Respýblıkasy Qylmystyq kodeksiniń 216-baby boıynsha zalal somasy 183 mlrd teńge bolatyn 618 qylmystyq is qozǵaldy», - dep habarlady Memlekettik kirister komıtetinde.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059

MURAǴAT