+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Jaqyndap Abaı jyly – jarty álemdi terbedi Abaı jyry

2019 jylǵy 10 tamyz 09:10
Bólisińiz:
Jaqyndap Abaı jyly – jarty álemdi terbedi Abaı jyry

NUR-SULTAN. QazAqparat – Láılim-Shyraq esimdi 9 jastaǵy oqýshynyń estafetasyn Prezıdent ilip áketkeli Abaıdyń óleńi men qara sózin oqý dástúri búginde jarty álemge tarap ketti. Arysy AQSh, Frantsııa men Japonııanyń, berisi túrki tildes elderdiń ókilderi ún qosqan chellendj ártúrli sıpat alyp, dúnıeniń ár túkpirindegi nıettes halyqtardyń qoldaýyna ıe bolyp jatyr.

#Abai 175 chellendji kún ótken saıyn aýqymyn keńeıtip jatyr. Aktsııaǵa Reseı, Belarýs, Ulybrıtanııa, Italııa, Egıpet, Túrkııa, AQSh, Ýkraına, Avstralııa, Qyrǵyzstan, Frantsııa jáne Qytaı sııaqty 12 eldiń ınternet qoldanýshylary atsalysyp úlgerdi».

«Bolashaq» baǵdarlamasynyń túlegi Shynar Sháken (@shakenshynar) bastaǵan aktsııany áýeli tanymal blogerler men vaınerler qoldap áketken bolatyn. Osylaısha áleýmettik jelide #Abai175 jáne #Abaı175 heshtegimen jarııalanǵan kreatıvti ıdeıalar kóbeıdi.

Óziniń birinshi qara sózinde Abaı Qunanbaıulynyń «aq qaǵaz ben qara sııany ermek qylaıyn, kimde-kim ishinen kerekti sóz tapsa, jazyp alsyn, ıa oqysyn, keregi joq dese, óz sózim ózimdiki» degeni bar. Urpaǵy «keregi joq dese, óz sózim ózimdiki» deıtin kúdigin seıiltip, myńmen jalǵyz alysqan kemeńger babanyń murasyn ult bolyp uıysý jolynda shamshyraq etip ustap keledi. Prezıdent Qasym-Jomart Toqaevtyń Abaıdyń 175 jyldyq mereıtoıyn merekeleý týraly Jarlyǵyndaǵy «mazmundyq deńgeıde merekeleý» sózine erekshe mańyz berýimiz kerek. ıAǵnı, mańyz – toı toılaýda emes, oı oılaýda.

Ótken aıda Láılim-Shyraq Abaı óleńderinen úzindi oqyp, estafetany jalǵastyrýdy Memleket basshysyna joldady.


Oqýshynyń bul usynysyn zor qýanyshpen qabyldap, aqynnyń jastardy bilim men ǵylymǵa shaqyratyn «Ǵylym tappaı maqtanba» atty óleńinen úzindi oqyp, jaýap berdi. Memleket basshysy Abaı óleńderin oqý estafetasyn odan ári Bilim jáne ǵylym mınıstri Ashat Aımaǵambetovke, Mádenıet jáne sport mınıstri Aqtoty Raıymqulovaǵa jáne búkil álemdi moıyndatqan talantty ánshi Dımash Qudaıbergenge joldady.

Álbette, mınıstrlermen birge Dımash ta izgi estafetanyń tizginin ilip áketti.

Bastalǵaly beri estafetaǵa alǵash ret halyqaralyq sıpat bergen de Dımash Qudaıbergen edi. Ánshi reseılik kompozıtor Igor Krýtoıǵa jáne álemniń túkpir-túkpirindegi tyńdarmandaryna Abaı jyrymen sálem joldady.


«Atamyzdyń ónerin taǵy bir márte álemge pash etýge óz úlesterin qosý úshin osy estafetany Aqtóbe oblysynyń ákimi Ońdasyn Seıiluly Orazalın aǵama, RF-nyń halyq ártisi Igor Krýtoı aǵamyzǵa jáne meniń tyńdarmandarym #dears-tarǵa joldaımyn», - dep jazdy ánshi postynda.

Osylaısha, poezııa estafetasyn Igor Krýtoı, QR Aqparat jáne qoǵamdyq damý mınıstri Dáýren Abaev, Qazaqstannyń Reseıdegi elshisi Imanǵalı Tasmaǵambetov, Reseıdiń shoý-bıznes ókilderi, Aqtóbeniń ákimi Ońdasyn Orazalın, Qazaqstannyń Halyq ártisi, professor Talǵat Temenov jalǵastyryp áketti.

Uly babany ulyqtaý bastamasyna Ázerbaıjan, Túrkııa, Irak, Tatarstannan nıettes aǵaıynnyń atsalysqany qýantady. Jyr estafetasynyń geografııasynyń keńip, Eýrazııa keńistiginde keń taraýyna ázerbaıjandyq tanymal jýrnalıst Aıda Eıvazova, túrkııalyq Yakup Ömeroğlu úles qosqanyn erekshe atap ótý kerek.

Prezıdent Ákimshiliginiń basshysy Qyrymbek Kósherbaev, Memleket basshysynyń baspasóz hatshysy Berik Ýálı, Qazaqstan halqy Assambleıasy Tóraǵasynyń orynbasary Janseıit Túımebaev, Parlament Senatynyń depýtaty Muhtar Qul-Muhammed, Atyraý oblysynyń ákimi Nurlan Noǵaev, Pavlodar oblysynyń ákimi Bolat Baqaýov ta Abaı jyrynan kópke shashý shashty.


Sondaı-aq, japon depýtaty Takeo Kavamýra Abaıdyń 38-shi qara sózinen úzindi oqysa, Frantsııanyń Qazaqstandaǵy Tótenshe jáne ókiletti elshisi Fılıpp Martıne «Men jazbaımyn óleńdi ermek úshin» dep qazaq tilinde kórermenniń júregin terbetti.


Al AQSh Elshisi Ýılıam Mozer «Jelsiz túnde jaryq aı» óleńin ásem áýenniń súıemeldeýimen oqyp berdi.


«Tatarstan: Jańa ǵasyr» teleradıo kompanııasy men Qyrǵyzstannyń ulttyq «Kabar» aqparat agenttiginiń tilshileri de izgi bastamadan tys qalǵan joq.



Májilis tóraǵasy Nurlan Nyǵmatýlın bolsa, bul mańyzdy sharany odan ári jalǵastyrý úshin ózbekstandyq áriptesi Ózbekstan Parlamentiniń Spıkeri, Ózbekstan Olıı Majlısiniń Zań shyǵarý palatasynyń tóraǵasy - Nýrdınjon Ismoılovke joldady.

«Abaı aqyn ári uly oıshyl bola otyryp, halyqtar arasynda beıbitshilik saltanat qurǵanda ǵana qoǵamnyń negizgi kúshteri: ǵylym, ozyq oılar, mádenıet damıdy dep sanady», - dedi óz kezeginde chellendjdi jalǵastyrǵyrǵan ÓR Olıı Majlıs palatasynyń spıkeri Nýrdınjon Ismoılov.

Baba jyryn dáripteý aktsııasyna elimizdiń basty halyqaralyq aqparat agenttigi ún qatty. QazAqparat ujymy Abaıdyń 175 jyldyǵyna arnalǵan estafetany «Egemen Qazaqstan» gazetinen qabyl aldy. Birneshe tilde aqparat taratatyn agenttik qyzmetkerleri uly aqynnyń «Kózimniń qarasy» ánin bes tilde shyrqap, estafetanyń mazmunyn baıytty.


Bir aı buryn bastalǵan chellendjge ún qosyp jatqandar áli de kóp. Abaıdyń 175 jyldyǵyn toılaýdy elimiz osyndaı izgi jyr estafetasymen bastady.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT