Zeınet jasyna jaqyndaǵan azamattardy jumysqa qabyldaǵan mekemege sýbsıdııa tólenedi
2022 jylǵy 26 qańtar 09:35

Zeınet jasyna jaqyndaǵan azamattardy jumysqa qabyldaǵan mekemege sýbsıdııa tólenedi

QARAǴANDY. QazAqparat – Qaraǵandy oblysynda bıyl «Kúmis jas» respýblıkalyq jobasy iske qosylady. Baǵdarlama zeınetkerlik jasqa deıingi adamdardy jumysqa ornalastyrýǵa kómektesedi, dep habarlaıdy QazAqparat tilshisi.

Bıylǵy jylǵa jospar – 534 adam. Jumys berýshilerge osyndaı qyzmetkerlerdiń jalaqysy 30 AEK mólsherinde sýbsıdııalanatyn bolady.

Ádette, qandaı da bir sebeptermen jumysynan aırylǵan aǵa býyn ókilderine eńbekke qaıta ornalasý óte qıyn. Jańa joba osyndaı jumyssyzdarǵa zeınetke shyqqanǵa deıin turaqty jumys ornyn tabýǵa kómektesýge arnalǵan.

«Óńirde kásipkerlikti damytý jónindegi ulttyq joba boıynsha sýbsıdııalanǵan jumys oryndary qurylatyn bolady. Atap aıtqanda, aǵa býynǵa «Kúmis jas» jobasy jumysqa ornalasýǵa kómektesedi. Biz zeınetkerlik jasqa deıingi jumys izdeýshini jumysqa qabyldaýǵa nıet bildirgen jumys berýshiniń jalaqysyn sýbsıdııalaımyz. Jyl boıy aı saıyn memleket tarapynan 30 AEK tólenetin bolady – bul 91 890 teńge», – dedi Jumyspen qamtýdy úılestirý jáne áleýmettik baǵdarlamalar basqarmasynyń basshysy Ásem Júnispekova.

«Kúmis jas» jobasy boıynsha jumys izdeýshi retinde tirkelý úshin jumyspen qamtý ortalyqtaryna nemese Enbek elektrondyq eńbek bırjasyna júginý qajet.


Jańalyqtar

MURAǴAT