+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Vaktsına saldyrǵan stýdentter Ystyqkólge joldama utyp aldy

2021 jylǵy 5 tamyz 10:22
Bólisińiz:
Vaktsına saldyrǵan stýdentter Ystyqkólge joldama utyp aldy

NUR-SULTAN. QazAqparat – Vaktsına alǵan stýdentter men JOO oqytýshylaryna yntalandyrý syılyǵy berilip jatyr bastady, dep habarlaıdy QazAqparat Bilim jáne ǵylym mınıstrliginiń baspasóz qyzmetine silteme jasap.

Uqsas jańalyqtar
Almaz Sharman koronavırýstyń «Eta» shtamy týraly aıtty «Almaty Sý» qyzmetkerleri 100 paıyz koronavırýsqa qarsy vaktsına aldy Almatyda bir táýlikte 5 myńnan astam adam vaktsına aldy

Qazaqstandyq joǵary oqý oryndarynyń stýdentteri men oqytýshylary túrli yntalandyrý syılyqtaryn ala bastady. Esterińizge sala keteıik, buǵan deıin QR Bilim jáne ǵylym mınıstri Ashat Aımaǵambetovtiń tapsyrmasy boıynsha ýnıversıtetter bilim alýshylar men qyzmetkerler arasynda vaktsınatsııany qoldaýdy yntalandyrý sharalaryn ázirlegen.

Endi olar berilgen múmkindikterdi paıdalanyp jatyr. Máselen, ál-Farabı atyndaǵy Qazaq ulttyq ýnıversıtetiniń stýdentteri men oqytýshylary arasynda Ystyqkólge joldama oınatyldy. Nátıjesinde 40 stýdent pen oqytýshy jańa oqý jyly qarsańynda demalysqa joldama aldy. Aktsııa aldaǵy ýaqytta da jalǵasady. QazUÝ vaktsınatsııalanǵan bilim alýshylarǵa stýdentter úıinde turýǵa jeńildikter, tegin tamaqtaný talondary, jol aqshasynyń qosymsha tólemderi, til oqytý kýrstaryna sertıfıkattar jáne t.b. syılyqtar beriledi.

«Men ózimniń qurdastarymnyń arasynda alǵashqylardyń biri bolyp vaktsına aldym. Óıtkeni barlyq stýdent koronavırýsqa qarsy vaktsına alýy kerek dep sanaımyn. Eń aldymen, óz densaýlyǵyn jáne jaqyndarynyń densaýlyǵyn qorǵaý kerek. Degenmen, ýnıversıtettegi osyndaı aktsııalar vaktsına alýdy yntalandyrdy. Biz sanaly azamattar retinde barlyq saqtyq sharalaryn saqtadyq jáne oqý jyly bastalar aldynda demalysta boldyq. Vaktsınatsııadan keıin biz dástúrli oqytý formatyna jáne burynǵy stýdenttik ómirge oralamyz dep senemin», — deıdi QazUÝ stýdenti Aqnur Shaıdýalına.

Joǵary oqý oryndarynyń oqytýshylary da óz áriptesterin vaktsınatsııalaýǵa shaqyrady.

«Vaktsınatsııalaý boıynsha aktsııa sheńberinde biz stýdentter men oqytýshylar arasynda túsindirý jumystaryn júrgizdik. Korpýs aýmaǵynda vaktsınatsııalaý pýnkti jumys isteıdi. Ol jerde barlyq qajetti jaǵdaı jasalǵan. Meniń oıymsha, barlyǵyna vaktsına alý qajet. Bul ujymdyq ımmýnıtetti qalyptastyrady. Vaktsınatsııalanǵan stýdentter men oqytýshylar úshin ýnıversıtet basshylyǵy barlyq yntalandyrý sharalaryn qarastyrǵany qýantady. Bul qazirgi kezde ózekti», — dep atap ótti QazUÝ oqytýshysy Aqylbaı Arystanbek.

Búgingi tańda ál-Farabı atyndaǵy QazUÝ-dyń oqytýshylar quramynyń jartysy jáne 18 jastan asqan 4 myńnan astam stýdent pen qyzmetkerler egildi.

Aktsııa basqa otandyq joǵary oqý oryndarynyń stýdentteri arasynda da ótkizildi. Abaı atyndaǵy Qazaq ulttyq pedagogıkalyq ýnıversıtetiniń Sovid-19 indetine qarsy vaktsına alǵan stýdentterine jyldyq oqý aqysyna jeńildik, Qapshaǵaıǵa joldama, aqshalaı syıaqy, aǵylshyn tilin oqytý kýrsyna jáne dúkennen kitap satyp alýǵa sertıfıkattar berildi.

Qorqyt Ata atyndaǵy Qyzylorda ýnıversıteti «Vaktsına al da, júlde ıegeri bol!» atty aktsııa uıymdastyrdy. Joǵary oqý ornynyń vaktsınatsııalanǵan qyzmetkerleri men stýdentteri Nur-Sultan qalasyna jáne jazǵy lagerlerge joldamalar, fıtnes-zal men basseınge tegin abonementter, sondaı-aq ýnıversıtet jataqhanasynda turýǵa jeńildikter aldy. Qorqyt Ata atyndaǵy Qyzylorda ýnıversıtetinde qyzmetkerlerdiń 90 paıyzǵa jýyǵy jáne bilim alýshylardyń jartysynan kóbi koronavırýsqa qarsy vaktsına alǵan.

D.Serikbaev atyndaǵy Shyǵys Qazaqstan tehnıkalyq ýnıversıtetinde vaktsınatsııalanǵan stýdentter arasynda aqshalaı sertıfıkattar oınatylyp, 50 stýdent 15 myń teńge aqshalaı syılyq utyp aldy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT