UQShU bıyl kúzde Qazaqstanda áskerı oqý jıynyn ótkizedi
2022 jylǵy 16 mamyr 18:21

UQShU bıyl kúzde Qazaqstanda áskerı oqý jıynyn ótkizedi

MÁSKEÝ. QazAqparat – Bıyl kúzde Qazaqstanda Ujymdyq qaýipsizdik sharty uıymynyń aıasynda áskerı oqý jıynyn ótkizý josparlanyp otyr. Bul týraly Reseı Federatsııasynyń Prezıdenti Vladımır Pýtın uıymnyń mereıtoılyq sammıtinde aıtty, dep habarlaıdy QazAqparat tilshisi.

«Qazirgi kezeńde UQShU qyzmetin ári qaraı jetildirý jáne onyń basshylyq qurylymdaryn ońtaılandyrý máselesi - birinshi kezektegi mańyzdy sharýa ekeni tolyǵymen qısyndy. UQShU ujymdyq kúshterin zamanaýı qarýmen jáne tehnıkamen jaraqtandyrý, jaýyngerlik kontıngenttiń operatıvti sáıkestigin ulǵaıtý, bizdiń áskerı qurylymdar men arnaıy qyzmetterdiń birlesken áreketiniń úılesimdiligin jaqsartý máselelerimen de aınalysamyz. Tıisti máseleler turaqty negizde UQShU jelisi boıynsha ótetin áskerı oqý jıyndarynda pysyqtalyp otyrady. Ol oqý jıynyn biz ári qaraı keńeıtýge nıettimiz», - dedi Reseı Prezıdenti.

Onyń aıtýynsha, bıyl kúzde atalǵan uıymǵa múshe úsh eldiń aýmaǵynda áskerı oqý jıyny ótedi.

«Bıyl kúzde Qazaqstanda, Qyrǵyzstanda jáne Tájikstanda bizdiń uıymnyń oqý jıyndarynyń tutas serııasyn ótkizý josparlanǵan. Bul sharalar memleketterimizdiń áskerı daıyndyǵy men áskerı qurylymdarynyń úılesimdiliginiń artýyna, jalpy bitimgerlik áleýettiń kúsheıýine múmkindik týǵyzatynyna senimdimin», - dedi Vladımır Pýtın.

Buǵan deıin Prezıdent Qasym-Jomart Toqaev Ujymdyq qaýipsizdik shartyna qol qoıylǵanyna 30 jyl jáne Uıymnyń qurylǵanyna 20 jyl tolýyna oraı ótetin mereıtoılyq sammıtke qatysý úshin Máskeýge barǵany habarlanǵan edi.

Sammıtke uıymǵa múshe elderdiń basshylary qatysady dep josparlanǵan.

2022 jyly Ujymdyq qaýipsizdik sharty uıymyna Armenııa Respýblıkasy tóraǵalyq etip jatyr.

Jıyn barysynda UQShU-nyń damý bolashaǵy talqylanyp, uıymnyń mereıtoıyna arnalǵan málimdeme qabyldandy.

Ujymdyq qaýipsizdik týraly shartqa (UQT) 1992 jylǵy 15 mamyrda Tashkentte qol qoıyldy.

2002 jylǵy 14 mamyrda Ujymdyq qaýipsizdik keńesiniń Máskeýde ótken sessııasynda Ujymdyq qaýipsizdik týraly shartqa qatysýshy memleketter arasyndaǵy yntymaqtastyqtyń tetikteri men qurylymdaryn halyqaralyq aımaqtyq uıym – «Ujymdyq qaýipsizdik shart týraly uıymǵa» ózgertý, oǵan tıisti mártebe berý týraly sheshim qabyldady. 2003 jylǵy 18 qyrkúıekte UQShU Jarǵysy óz kúshine endi.

Ujymdyq qaýipsizdik shart uıymyna Armenııa, Belarýs, Qazaqstan, Qyrǵyzstan, Reseı, Tájikstan kiredi.


Uqsas jańalyqtar

Jańalyqtar

MURAǴAT