Túrkistan oblysynda kez kelgen sharýa jeńildetilgen nesıe ala alady

TÚRKІSTAN. QazAqparat - Kóktemgi egin egý jumystaryna bólinetin paıyzdyq mólsherlemesi tómen nesıege kez kelgen sharýa qol jetkize alady, dep habarlaıdy QazAqparat.

Uqsas jańalyqtar

Túlkibas aýdanynda mal sharýashylyǵy qarqyndy damýda

Saparhan Omarov aýyl turǵyndaryna beriletin nesıe túrlerin atady Qurǵaqshylyqtan saqtandyrýǵa ótinim qabyldaý merzimi uzartyldy Jer reformasy: jaıylym jetispeýshiligi máselesin qalaı sheshýge bolady

Jeńildetilgen nesıeni «Ońtústik» AIO jáne «Yrys» mıkroqarjy uıymynan alýǵa bolady.

Túrkistan oblysyndaǵy dıqandardyń qarjyny der kezinde alyp, tıimdi paıdalanýlaryn qamtamasyz etý maqsatynda Qazyǵurt, Tólebı, Saryaǵash, Keles, Túlkibas, Saıram aýdandaryndaǵy kásipkerlermen kezdesý ótti.

Tıisti mamandar jergilikti halyqqa 5 paıyzdyq nesıeni qalaı alýǵa bolatyndyǵy jóninde túsindirý jumystaryn júrgizýde.

«Kóktemgi dala jumysyna nesıe berý, qarjylandyrý talapqa saı iske asyrylady. Tapsyrylǵan qujattar eshqandaı komıssııalyq shyǵyndarsyz, múmkindiginshe eń qysqa merzimde qaralady. Nesıe alýshy negizgi qaryzdy jáne nesıe boıynsha paıyzdardy merzim sońynda óteıdi»,- dedi «Ońtústik» aımaqtyq ınvestıtsııa ortalyǵynyń basqarma tóraǵasy Muhtar Álimhanuly.

Egin egý, jıyn-terim jumystaryna bólinetin qarajat - jeke tulǵalar, sharýa qojalyqtary, jeke kásipkerler jáne zańdy tulǵalarǵa basym baǵytqa ıe barlyq daqyl túrlerine beriledi.

Nesıeni barlyǵy birdeı ala alady.

Bastysy, kredıt tarıhynda olqylyq bolmaı, bıznes-jospary bolýy shart.