+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Táýelsiz Qazaqstannyń beıbit kúndegi qaharmandary

2021 jylǵy 7 mamyr 10:41
Bólisińiz:
Táýelsiz Qazaqstannyń beıbit kúndegi qaharmandary

NUR-SULTAN. QazAqparat – 7 mamyr saıyn esimderi el nazaryna usynylatyn at tóbelindeı ǵana azamattar bar. Olar – kásibı mindetterin jumystan tys ómirinen bólip qaramaıtyn, tosyn sátte tosylyp qalmaǵan áreketteri úshin qaharman atanǵan qarapaıym qazaqstandyqtar, dep habarlaıdy QazAqparat tilshisi.

Uqsas jańalyqtar
Japonııada belgisiz bireý bes adamǵa pyshaq salǵan Cemeıde bir aı buryn joǵalyp ketken 55 jastaǵy er adam áli tabylmaı jatyr Atyraý oblysynda bir kúnde eki adam sýǵa ketti

Bir úıli jandy qyzyl jalynnan qutqaryp qalǵan

Azamat Jumadilovke «Halyq qaharmany» ataǵy men «Otan» ordeni 2007 jyly 4 adamdy qyzyl jalynnyń ortasynan aman alyp shyqqany úshin berilgen eken. №12881 áskerı bólim komandıriniń tárbıe jáne ıdeologııalyq jumystar jónindegi orynbasary-bólim bastyǵy basynan ótken sol bir oqıǵany bylaı dep eske alady.


«2007 jyldyń 10 qazanynda anamdy týystarǵa aparyp, qaıtyp kele jatqanbyz. Túngi saǵat birlerdiń kezi bolatyn. Aýlalardyń birinde qara tútinniń býdaqtap jatqanyn baıqadym. Birden órt ornyna qaraı júgirdim. Ǵımarat eki metrlik dýalmen, dýaldyń ústi tikenek symmen qorshalǵan eken. Qaqpanyń ysyrmasyn qıratýǵa týra keldi. Qyzyl jalynǵa oranǵan úıden áýeli jylap otyrǵan balany alyp shyqtym da, aýyzǵy úıdegi gaz ballonyn syrtqa laqtyrdym. Sodan keıin eki jasóspirim men olardyń anasyn ottyń ortasynan alyp shyqtym. Biz shyǵa bergende úıdiń shatyry ortasyna tústi», - deıdi podpolkovnık. Osy erligi úshin oǵan «Halyq qaharmany» ataǵy berildi.

15 kórshisin ajaldan arashalaǵan

Al efreıtor Qýandyq Qanatov 2019 jyldyń aqpan aıynda bes qabatty úıdegi órtten 15 kórshisin qutqaryp qalǵany úshin Prezıdent Qasym-Jomart Toqaevtyń qolynan marapat aldy. Byltyr ol «Qazaqstannyń 100 jańa esimi» jobasynyń jeńimpazy atandy.


«Bala uıyqtatyp jatqan áıelim dálizden shyqqan tútin ıisin ańǵaryp, meni oıatty. Ylǵı janymda gaztutqysh baskıim birge júretin. Álgi ádetim sol joly bir keregime jarady. Aldymen men órt tutanǵan jerdi anyqtap, mańaıyndaǵy páterlerdi aralaı bastadym. Dálizge jınalǵan turǵyndardy syrtqa bastadym. Olardy shyǵarǵan soń óz otbasymdy syrtqa alyp shyqtym. Órtti sezbesten uıyqtaı bergender boldy. Olardy oıatýǵa týra keldi. Óstip júrip qystyń qaqaǵan aıazy denemnen ótip ketkenin de sezbeppin. Bir kezde órt sóndirýshiler keldi. Olarǵa áli shyǵyp úlgermegen kórshilerdi qutqarýǵa kómektestik», - dep eske alady sarbaz. Órt sóndirýshiler kelgenshe Qýandyq 15 kórshisin syrtqa shyǵaryp úlgergen bolatyn.

Osy erligi úshin ol Qorǵanys mınıstriniń Alǵys hatyna ıe bolyp, Prezıdent Qasym-Jomart Toqaevtyń qolynan «Erligi úshin» medalin aldy. Erligimen elge tanylǵan kezde Qýandyq Qanatov №35411 áskerı bólimniń 2-shi artıllerııalyq dıvızıonynyń mehanık-júrgizýshisi bolyp júrgen bolatyn.

Sýǵa júzgish maıor

Maıor Álisher Tabyldıev sýǵa batyp bara jatqan balany qutqarǵany úshin І dárejeli «El qorǵany» medalimen marapattalǵan.


2019 jyldyń 25 tamyzynda, keshki saǵat 18.00 shamasynda Óskemen qalasyndaǵy Úlbi ózeniniń jaǵasynda otbasymen serýendep júrgen áskerı qyzmetshi eki jasar balanyń 10 metr bıikten sýǵa qulaǵanyn estıdi. Dereý sýǵa sekirgen Álisher Tabyldıev eki jasar uldy aǵysy qatty ózennen aman alyp shyǵady.

Osy janqııarlyǵy úshin oǵan Prezıdenttiń 2020 jylǵy 5 maýsymdaǵy № 260 Jarlyǵymen І dárejeli «El qorǵany» medali berildi.

Postyna adal kýrsanttar


Saǵadat Nurmaǵambetov atyndaǵy Qurlyq áskerleri áskerı ınstıtýtynyń 4 kýrsynda oqyp júrgen Baqytjan Baratov pen Álisher Bekzatov COVID-19 indetine baılanysty jarııalanǵan Tótenshe jaǵdaı kezinde Almatynyń syrtyndaǵy blokposty aınalyp ótpek bolǵan qarýly azamattardy toqtatqany úshin II dárejeli «El qorǵany» medalimen marapattaldy. Kýrsanttar blokposty aınalyp ótip, baqylaýdaǵy aımaqqa zańsyz ótýge tyrysqan azamattardy der kezinde baıqap, keri qaıtarýǵa árekettenedi. Qarsy tarap olardyń aıtqanyn oryndaýdyń ornyna pyshaq siltep, qarýly qarsylyq kórsetken. Eki kýrsant Qorǵanys mınıstriniń 14 sáýirdegi № 166 buıryǵymen II dárejeli «El qorǵany» medalimen marapattaldy.

«Órmekshi» desant

№61993 áskerı bólimdegi desanttyq-barlaý rotasynyń 2- bólimshe komandıri, serjant Ǵalymjan Áleýhanov órtengen úıde es-tússiz jatqan eki balany qutqarǵany úshin «Erligi úshin» medalin ıelengen.


2017 jyldyń 28 shildesinde jumystan kele jatqan Ǵalymjan turǵyn úılerdiń birinde terezeden shyǵyp jatqan jalyndy kóredi. Birden órt sóndirý satysymen turǵyn úıdiń tóbesine shyǵyp, shatyrdy tesip, dálizge túsedi. Abyroı bolǵanda, órt shyqqan páterdiń esigi ishten qulyptalmaǵan edi. Ǵalymjan páterge kirgen boıda daýystap, ishte kim bar ekenin suraıdy. Jaýap bolmaǵan soń, qoıý tútin arasyna kirip, úıdiń ishin aralaı bastaıdy. Osy kezde jatyn bólmede 4-5 jastaǵy eki balaǵa jolyǵady.

«Balalar es-tússiz kúıde edi. Ýly tútin ókpelerine ótip ketkenin birden túsindim. Olardy syrtqa shyǵaryp, jedel járdem ókilderine tapsyrdym», - deıdi Ǵalymjan Áleýhanov.

Osy erligi úshin serjant Prezıdenttiń 2018 jylǵy 27 sáýirdegi № 11354 Jarlyǵymen «Erligi úshin» medaline ıe boldy.


Bizdiń kanalymyzǵa jazylyńyz:

#Oqıǵa   #Qoǵam  
Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT