+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Tashkentte Qazaqstan jáne Ózbekstan Senattary arasynda kelissózder ótti

2021 jylǵy 25 qazan 09:27
Bólisińiz:
Tashkentte Qazaqstan jáne Ózbekstan Senattary arasynda kelissózder ótti

TAShKENT. QazAqparat - Tashkentte Qazaqstan Parlamenti Senaty tóraǵasynyń orynbasary Asqar Shákirov Ózbekstan Olıı Majlısi Senaty tóraǵasynyń Birinshi orynbasary Sodık Safoevpen kezdesti, dep habarlaıdy QazAqparat QR Parlamenti Senatynyń baspasóz qyzmetine silteme jasap.

Uqsas jańalyqtar
Senatta Qazaqstan men Reseıdiń mıneraldy tyńaıtqysh zaýytyn salý kelisimi talqylandy Máýlen Áshimbaev Patrıarh Kırıllmen kezdesti Túrkistanda Qazaqstan men Ózbekstannyń óńiraralyq yntymaqtastyǵynyń ІІІ forýmy ótýde

Kezdesýde Senat spıkeri Máýlen Áshimbaevtyń Ózbekstanǵa resmı sapary aıasynda qabyldanǵan «2021-2022 jyldarǵa arnalǵan parlamentaralyq yntymaqtastyqty damytý jónindegi jol kartasyn» iske asyrý barysy talqylandy.

Suhbattasý kezinde taraptar týrızm, ekologııa, sý resýrstaryn basqarý, ınvestıtsııa salalaryndaǵy ekijaqty baılanystyń quqyqtyq bazasyn jetildirý boıynsha ózara is-qımyl máselelerine basa mán berdi. Shekara mańyndaǵy yntymaqtastyqty arttyrý, shaǵyn jáne orta bıznesti damytý jáne Aral problemasyna qatysty máselelerge de erekshe nazar aýdaryldy.

Sonymen qatar kezdesýde eki eldiń Senattary arasyndaǵy Yntymaqtastyq jónindegi komıssııanyń osyǵan deıin ótken otyrysynyń hattamasyna qol qoıyldy.

Іs-sharaǵa qazaqstandyq senatorlar Aqmaral Álnazarova men Álimjan Qurtaev qatysty. Olar Ózbekstanǵa EQYU PA men TMD PAA-nyń baıqaýshylar mıssııasy quramynda eldegi prezıdent saılaýyna monıtorıng júrgizý úshin barǵan bolatyn.

Tashkentke prezıdent saılaýyna baıqaýshy retinde barǵan Senat vıtse-spıkeri saılaý aldyndaǵy is-sharalar aıasynda Ózbekstan Olıı Majlısi Zań shyǵarý Palatasynyń spıkeri Nýrdınjon Ismoılovpen jáne Ózbekstan Ortalyq saılaý komıssııasynyń tóraǵasy Zaınıddın Nızamhodjaevpen kezdesti.

Sondaı-aq vıtse-spıker halyqaralyq baıqaýshylarmen, atap aıtqanda EQYU PA-nyń Tóraǵasy Margaret Sederfeltpen kezdesti. Onda Ortalyq Azııa elderinde ornyqty damý maqsattaryn odan ári dáripteý máselesi jáne Aýǵanstandaǵy ahýal sóz boldy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT