Taraz turǵyny jappaı tártipsizdik kezinde urlaǵan qarý-jaraqtardy garajyna jasyrǵan
2022 jylǵy 20 qańtar 01:17

Taraz turǵyny jappaı tártipsizdik kezinde urlaǵan qarý-jaraqtardy garajyna jasyrǵan

TARAZ. QazAqparat – Taraz turǵyny tártipsizdik kezinde urlanǵan qarý-jaraqtardy garajynda saqtaǵan, - dep habarlaıdy QazAqparat tilshisi.

Jedel is-sharalardy ótkizý barysynda Taraz qalalyq Polıtsııa basqarmasynyń qyzmetkerleri garaj kooperatıvteriniń birinen urlanǵan qarý-jaraqtardy saqtaǵan 24 jastaǵy qala turǵynyn ustady. Bul týraly oblystyq Polıtsııa departamentiniń baspasóz qyzmeti habarlady.

«Ustalǵan adam qarýlardy jappaı tártipsizdik kezinde urlap, garajdyń shuńqyryna jasyrǵanyn jáne keıinnen ony satýǵa daıyndaǵandyǵyn moıyndady. Kúdiktiden barlyǵy 10 birlik «Makarov» tapanshasy, tórt birlik «Kalashnıkov» avtomaty men eki shýly granata tárkilendi»,-delingen vedomstvo habarlamasynda.

Atalǵan derek boıynsha sotqa deıingi tergep-tekserý amaldary bastaldy. Kúdiktiniń qalada bolǵan tártipsizdikter kezinde basqa da qylmystyq is-áreketterge qatystylyǵyn anyqtaý jumystary júrip jatyr.

Tárkilengen qarý-jaraqtarǵa qatysty arnaıy sot-ballıstıkalyq saraptamasy taǵaıyndaldy.


Avtor:
Tilshi

Jańalyqtar

MURAǴAT