Syrqatty sergeldeńge salyp, bıýrokratııaǵa jol bergen dárigerler jaýapkershilikke tartyldy
2022 jylǵy 21 mamyr 02:20

Syrqatty sergeldeńge salyp, bıýrokratııaǵa jol bergen dárigerler jaýapkershilikke tartyldy

NUR-SULTAN. QazAqparat –Densaýlyq saqtaý mınıstri Ajar Ǵınııat azamattardy jeke máseleleri boıynsha qabyldady. Bul týraly QazAqparat mınıstrliktiń baspasóz qyzmetine silteme jasap habarlaıdy.

Birinshi júgingen azamat Qaraǵandy oblysynyń turǵyny, múgedektik tobyn anyqtaý úshin medıtsınalyq-áleýmettik saraptamadan uzaq ótý rásimine shaǵymdandy.

Osyǵan baılanysty patsıent tirkelgen ýchaskelik dárigerge jáne emhana meńgerýshisine MÁS-ke 031 nysanyn uzaq resimdegeni úshin tártiptik jazalaý sharalary qabyldandy.
Mınıstr Densaýlyq saqtaý basqarmasy men medıtsınalyq uıymǵa bul jaǵdaıdy anyqtap, MÁS-ke shyǵarý úshin qujattardy resimdeý kezinde áýre-sarsańǵa, merzimderdi buzýǵa jol bermeýge tapsyrma berdi.
Sondaı-aq qabyldaýda J.azamatshanyń múgedektigi bar balasyn shetelde emdeýdi uıymdastyrý múmkindigi týraly ótinishi qaraldy.
Atalǵan másele boıynsha mınıstr Ulttyq ana men bala ǵylymı ortalyǵynyń basshylyǵyna quramynda hırýrg, pedıatr, gastroenterolog bar konsılıým uıymdastyrýdy jáne balany júrgizý men emdeýdiń odan arǵy taktıkasyn aıqyndaýdy tapsyrdy.
Ótinish bildirgenderdiń biri Densaýlyq saqtaý mınıstrliginiń basshysyna jáne QR azamattaryn shetelge emdelýge jiberý máselesin sheshýge jedel kómek kórsetkeni úshin QR azamattaryn jiberý máseleleri jónindegi komıssııa múshelerine úlken alǵysyn bildirdi.
«Balanyń jaǵdaıy aýyr bolǵan, qazir bizde qalpyna keltirý protsesi júrip jatyr, donorlyq jasýshalar aǵzany qalpyna keltirýde. Barshańyzǵa eńbek pen kómek úshin alǵys aıtamyn»- dedi áıel.


Jańalyqtar

MURAǴAT