USD 434.84 EUR 498.2
RUB 5.72 CNY 68.47
Jańalyqtar

Sýbsıdııalaý júıesi iri agroqurylymdardyń ıgiligi úshin jumys istep tur - Muhtar Jumaǵazıev

2021 jylǵy 3 jeltoqsan 13:17
Bólisińiz:
Sýbsıdııalaý júıesi iri agroqurylymdardyń ıgiligi úshin jumys istep tur - Muhtar Jumaǵazıev

NUR-SULTAN. QazAqparat – Sýbsıdııalaýdyń qoldanystaǵy júıesi iri agroqurylymdardyń ıgiligi úshin jumys isteıtini baıqalady. Bul týraly Senattaǵy parlamenttik tyńdaýda depýtat Muhtar Jumaǵazıev aıtty, dep habarlaıdy QazAqparat tilshisi.

Uqsas jańalyqtar
Qajet bolsa aýyl sharýashylyǵy ónimderin syrtqa satýǵa shekteý qoıý kerek – Premer-Mınıstr Sýbsıdııalaýdyń aqparattyq júıesi Aqmola oblysynda ilki rejımde iske qosylady - Qarashókeev Bıyl aýyl sharýashylyǵy daqyldary 13,5 myń gektarǵa artyq egiledi

«Memleket basshysy Joldaýda atap ótkendeı, agrarlyq sektordy sýbsıdııalaý tetikteri qaıta qaraýdy jáne turaqtandyrýdy talap etedi. Sýbsıdııalardy resimdeý tártibi túsinikti ári ashyq, shaǵyn jáne orta, sonyń ishinde jeke qosalqy sharýashylyqtarǵa qoljetimdi bolýy tıis. Alaıda, shaǵyn sharýashylyqtar barlyq aýyl sharýashylyǵy óniminiń 70%-yn óndiretine qaramastan, sýbsıdııalaýdyń qoldanystaǵy júıesi iri agroqurylymdardyń ıgiligi úshin jumys isteıtini baıqalady», - dedi M. Jumaǵazıev «Aýyl sharýashylyǵyn damytýdyń ózekti máseleleri men perspektıvalary» taqyrybyna arnalǵan parlamenttik tyńdaýda.

Joǵaryda aıtylǵan asa ózekti máselelerge baılanysty myna usynystar jasaldy:

- Menshik nysanyna qaramastan aýyl sharýashylyǵy taýaryn óndirýshiler men jeke qosalqy sharýashylyqtardy qoldanystaǵy sýbsıdııalaýdyń negizgi tetikterine qosý;

- Aldaǵy ýaqytta sýbsıdııalaýdan arzan jáne uzaq merzimdi kredıtteýge birtindep kóshý máselesin qarastyrý;

- Ár óńir boıynsha tabıǵı-klımattyq erekshelikterine qaraı saralanǵan sýbsıdııalaýdy engizý;

- Aýyl sharýashylyǵy taýaryn óndirýshilerdiń sýbsıdııalardy paıdalaný tıimdiligin baǵalaý tetigin jetildirý.

«Qazirgi ýaqytta Senat komıteti birqatar zań jobasyna bastamashylyq etý boıynsha jumys júrgizýde. Máselen, «Organıkalyq ónim óndirý jáne onyń aınalymy týraly» zań jobasy osy saladaǵy zańnamany jetildirý, halyqaralyq standarttarǵa sáıkes keltirý maqsatynda ázirlendi. «Qazaqstan Respýblıkasynyń keıbir zańnamalyq aktilerine jaıylymdardy paıdalaný máseleleri boıynsha ózgerister men tolyqtyrýlar engizý týraly» zań jobasy jaıylym resýrstaryn basqarýdyń ınstıtýtsıonaldyq jáne ekonomıkalyq negizderin jetildirýge baǵyttalǵan», - dedi depýtat.

Budan buryn habarlanǵandaı, Muhtar Jumaǵazıev jeke kóterme-taratý ortalyqtary óz jumysy barysynda birqatar qıynshylyqtarǵa tap bolǵanyn aıtty.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT