+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

«Spýtnık V»: Atyraýda ІІ komponenttiń 39 myń dozasyna sertıfıkat keshigýde

2021 jylǵy 15 maýsym 15:16
Bólisińiz:
«Spýtnık V»: Atyraýda ІІ komponenttiń 39 myń dozasyna sertıfıkat keshigýde

ATYRAÝ. QazAqparat – Atyraýǵa jetkizilgen «Spýtnık V» vaktsınasynyń ІІ komponentine arnalǵan 39 850 dozanyń sertıfıkaty keshiktirilip jatyr, dep habarlaıdy QazAqparat.

Oblystyq Densaýlyq saqtaý basqarmasynyń baspasóz qyzmeti taratqan aqparatqa súıensek, maýsymda óńirdegi farmatsevtıkalyq qoımaǵa «Spýtnık V» vaktsınasynyń ІІ komponenti úshin 39 850 doza jetkizilgen. Alaıda, bul dozalarǵa Reseıden keletin sertıfıkattar keshiktirilýde. Sertıfıkattar 16-18 maýsymda jetkiziledi dep kútilip otyr.

«Bıylǵy 1 aqpannan beri Atyraý oblysyna «Spýtnık V», «Qazvac» «Hayat-Vax» vaktsınalarynyń ІІ komponenti úshin 32 350 doza sertıfıkattarymen jetkizildi. Qazir bul komponentti 23 505 adam saldyrdy» -dep habarlady basqarmanyń baspasóz qyzmeti.

Koronavırýsqa qarsy vaktsınalardyń ІІ komponentin alǵandar arasynda 2 298 pedagog, 608 polıtseı, 208 stýdent, medıtsına salasynyń 2 601, arnaıy mekemelerdiń 95, quqyq qorǵaý organdarynyń 1 578 qyzmetkeri bar. Sondaı-aq, 419 memlekettik qyzmetshi, sozylmaly aýrýy bar 243 adam men jergilikti 15 455 turǵyn saldyrǵan.

Eske sala ketelik, buǵan deıin Atyraýda vaktsına saldyrǵandar sany 65 myńnan asqanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT