+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

SQO-da saýalnamaǵa qatysqan JOO stýdentteriniń 24% para bergenderin aıtqan

2019 jylǵy 16 mamyr 22:33
Bólisińiz:
SQO-da saýalnamaǵa qatysqan JOO stýdentteriniń 24% para bergenderin aıtqan

PETROPAVL. QazAqparat - SQO-da áleýmettik zertteý kezinde jergilikti joǵary oqý orny stýdentteriniń 24% oqytýshylarǵa para bergendikterin aıtty, dep habarlaıdy QazAqparat tilshisi.

QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń SQO boıynsha departamenti M.Qozybaev atyndaǵy SQMÝ oqytýshylary men stýdentteri arasynda jasyryn saýalnama ádisimen áleýmettik zertteý júrgizdi. «Para aldyńyz ba, berdińiz be» degen saýalǵa ustazdardyń 78% «Joq» dep jaýap berse, qalǵandary - 22% -i jaýap berýden bas tartqan.

«Ókinishke oraı stýdentterdiń jaýaby kóńil kónshitpeıdi. Saýalnamaǵa qatysqandardyń 24%-i nemese 41 stýdent para bergenin jazǵan. Biz, árıne, «bilim berý salasynda sybaılas jemqorlyq joq» dep senimmen aıta almaımyz. Sol sebepti bul baǵyttaǵy jumystardy jandandyratyn bolamyz», - dedi departament dırektory Elena Stepanenko brıfıngte.

Saýalnamaǵa qatysqandardyń pikirinshe, sybaılas jemqorlyq - bilim berý, densaýlyq saqtaý jáne quqyq qorǵaý salalarynda keń etek alǵan. Respondentterge, sondaı-aq «oqytýshylarǵa para alýǵa, al stýdentterge para berýge ne sebep» degen de suraq qoıylǵan. Nátıjesinde stýdentterdiń pándi oqyǵysy kelmegendikten «barmaq basty, kóz qysty» áreketke baratyndyǵy anyqtaldy.

Saýalnamanyń qorytyndysy respýblıkalyq «Adaldyq alańy» jobalyq keńsesine jiberildi.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT