+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

SQO-da epıdemıologtar stıhııalyq saýda oryndarynan azyq-túlik satyp almaýǵa shaqyrdy

2021 jylǵy 11 maýsym 15:30
Bólisińiz:
SQO-da epıdemıologtar stıhııalyq saýda oryndarynan azyq-túlik satyp almaýǵa shaqyrdy

PETROPAVL. QazAqparat – Soltústik Qazaqstan oblysynda sanıtar dárigerler stıhııalyq saýda oryndarymen kúresip jatyr. Ruqsatsyz saýda ınfektsııalyq aýrýlardyń taralýyna ákeledi. Belgilenbegen oryndarda saýda jasaý ákimshilik quqyq buzýshylyq bolyp esepteledi jáne 5 AEK mólsherinde aıyppul qarastyrylǵan, dep habarlaıdy QazAqparat tilshisi.

Uqsas jańalyqtar
Jambylda karantın talaptaryn buzǵandardyń tizimi jarııalandy Nurlan Aımanov: Vaktsınatsııa pasportyn satyp alǵandar – reanımatsııaǵa bılet alǵandar 80-nen astam medqyzmetker shetelde biliktiligin arttyrady - ShQO

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, stıhııalyq saýda oryndarynda kókónisterden bastap, balyq pen sút ónimderine deıin kez-kelgen nárseni satyp alýǵa bolady. Alaıda bul – densaýlyq úshin asa qaýipti.

«Stıhııalyq nemese ruqsat berilmegen saýda degenimiz ne? Bul gıgıenalyq normatıv talaptaryn buza otyryp, shyqqan jeri belgisiz jáne sapasy kúmándi ónim men qaýipsizdigin kýálandyratyn qujattarsyz tamaq ónimderin satatyn oryn. Veterınarııalyq-sanıtarııalyq saraptama júrgizilmeı jáne ilespe qujattarsyz qus eti, sút jáne sút ónimderi, jumyrtqa jáne basqa da mal sharýashylyǵy ónimderi satylady», - deıdi SQO sanıtarııalyq-epıdemıologııalyq baqylaý departamenti tamaqtaný obektilerin baqylaý jáne qadaǵalaý bóliminiń basshysy Natalıa Belıaeva.

Petropavlda stıhııalyq saýda negizinen «Kommýnaldyq bazar», «Korona» saýda kesheni, «Karavan» saýda úıi mańynda júrgizilip keledi.

«Kóshedegi jaımadan alynǵan azyq-túlikten ýlanyp, ınfektsııalyq aýrýlar taraýy múmkin. Stıhııalyq saýda oryndarynda ónimder kóbinese antısanıtarııalyq jaǵdaıda satylady, sút paıdalanylǵan plastıkalyq bótelkelerde saýdalanady, sút, jumyrtqa tez buzylady, soǵan qaramastan kún kózinde jatady. Satýshylar medıtsınalyq tekserýden ótpegen. Sondaı-aq, stıhııalyq saýda oryndarynyń kópshiligi jol janynda ornalasqan, tamaq ónimderi shańmen, avtomobılderdiń paıdalanylǵan gazdarymen lastanǵan. Biraq satýshylardyń eshqaısysy osy ónimniń sapasyna jaýap bermeıdi, al satyp alýshylar olardy kútip turǵan qaýip týraly oılamaıdy», - deıdi Natalıa Belıaeva.

Infektsııalyq aýrýdy juqtyrǵandardyń basym bóligi astan ýlanýdy stıhııalyq saýda oryndarynda jeke tulǵalardan satyp alynǵan ónimdi paıdalanýmen baılanystyrady.

«Kóshedegi jaımada satylǵan azyq-túlik salystyrmaly túrde arzan baǵamen satyp alýshylardy tartady. Bul alǵashynda únem bolyp kórinýi múmkin. Alaıda keıin emdelý úshin dárige qomaqty qarajat jumsalatynyn umytpaý kerek. Bazarda satylatyn et, balyq ónimderi, shıki jumyrtqa – salmonellez, brýtsellez, aýyr parazıttik aýrýlarǵa; sańyraýqulaqtar, kókónister, úıde konservilengen et – botýlızmge; barlyq tez buzylatyn tamaq ónimderi – jiti ishek ınfektsııasyna jáne tamaqtan ýlanýǵa ákeledi», - deıdi sanıtar dáriger.

Natalıa Belıaevanyń aıtýynsha, belgilenbegen oryndarda saýda jasaý ákimshilik quqyq buzýshylyq bolyp esepteledi. Zańmen 5 AEK mólsherinde, ıaǵnı 14,5 myń teńge aıyppul salynady.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT