SQO-da bıyl  órtten 2 adam qaza taýyp, 5 adam jaraqattandy
2022 jylǵy 25 qańtar 21:00

SQO-da bıyl  órtten 2 adam qaza taýyp, 5 adam jaraqattandy

PETROPAVL. QazAqparat – Soltústik Qazaqstan oblysynda jyl basynan beri 27 órt tirkelip, eki adam qaza tapty, zardap shekken bes adamnyń bireýi - bala, dep habarlaıdy QazAqparat tilshisi.

SQO tótenshe jaǵdaılar departamentiniń málimetinshe, tek ótken aptada óńirde 12 órt tirkelgen. Máselen Aıyrtaý aýdanyndaǵy ıAnko stansasynda jer úı peshiniń murjasyn erte jabýdan eki adamǵa ıis tıdi. Úıdi jalǵa alyp kelgen 24 jastaǵy eki turǵyn Novoıshımskoe aýdandyq aýrýhanasyna jetkizildi. Ekeýiniń de jaǵdaıy ortasha aýyr.

Al Taıynsha aýdany Mnogotsvetnoe eldi mekenindegi jeke turǵyn úıde 23 qańtar kúni órt shyqqan. Saldarynan kireberis bólme tutas janyp ketti. Ǵımarattyń shatyry jartylaı qulap, qabyrǵalary zaqymdandy. Órt sóndirýshiler oqıǵa ornynan 48 jastaǵy er adamnyń denesin tapty. Órttiń shyǵýyna pesh sebep bolǵan.

«Jyl bastalǵaly óńirde 27 órt tirkeldi. Bul ótken jyldyń osy kezeńimen alystyrǵanda shamamen eki ese az. Órtten eki adam qaza taýyp, 5 adam jaraqattandy. Aralarynda bir bala bar. Kóp jaǵdaıda órt jeke sektorda tirkeledi. Oǵan peshti durys paıdalanbaý, elektr qondyrǵylaryn qoldanýda qarapaıym saqtyq erejelerin saqtamaý sebep», - deıdi SQO TJD memlekettik órt baqylaý basqarmasynyń bastyǵy Dmıtrıı Rastıhın.


Jańalyqtar

MURAǴAT