+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

SQO-da 800 myń teńgeniń gerbıtsıdin urlaǵan aýyl turǵyndary ustaldy

2021 jylǵy 12 maýsym 08:38
Bólisińiz:
SQO-da 800 myń teńgeniń gerbıtsıdin urlaǵan aýyl turǵyndary ustaldy

PETROPAVL. QazAqparat – Soltústik Qazaqstan oblysynda ýchaskelik polıtsııa ınspektorlary «Qaýipsiz jol» jedel-profılaktıkalyq is-sharasy aıasynda gerbıtsıd urlyǵyn ashty, dep habarlaıdy QazAqparat tilshisi.

Uqsas jańalyqtar
Almatyda taksıst qyzǵa qaraqshylyq shabýyl jasaldy Reseıdiń Hakasııa repýblıkasynda qylmysker bir otbasynyń bes adamyn pyshaqtap óltirdi Petropavlda sońǵy eki kúnde bala zorlaýdyń eki faktisi tirkeldi

SQO polıtsııa departamenti baspasóz qyzmetiniń málimetinshe, tártip saqshylary Jambyl aýdanynda reıd ótkizgen. Tún ortasynda olar Býdennyı aýylynyń mańynda «VAZ-2107» avtokóligin toqtatqan. Kólikte aýdannyń 44 pen 38 jastaǵy eki turǵyny bolǵan. Júrgizýshi de, jolaýshy da mas bolyp shyqty.

Polıtseıler kóliktiń artqy oryndyǵynda mórlengen gerbıtsıd kanıstralary salynǵan qoraptardy kórgen. Tekserý barysynda onyń aýdandaǵy JShS birine tıesili ekendigi belgili boldy.

Er adamnyń ekeýi de sharýashylyqta mehanızator bolyp isteıdi. Olar dárileýmen aınalysqan, keıin gerbıtsıdtiń qalǵan bóligin jeke tulǵalarǵa satýǵa kelisken. Keltirilgen shyǵyn 825 myń teńge.

Atalǵan fakti «Urlyq» baby boıynsha Sotqa deıingi tergep-tekserýlerdiń biryńǵaı tizilimine engizildi. Budan bólek, júrgizýshi mas kúıde kólik basqarǵany úshin jaýap beredi. Ol ákimshilik sottyń sheshimine deıin arnaıy úı-jaıǵa qamaldy. Er adam 15 táýlikke ákimshilik qamaqqa alynyp, 7 jylǵa kólik basqarý quqyǵynan aıyrylýy múmkin.

«Ýchaskelik polıtsııa ınspektorlary quqyqtyq tártipti saqtaý jáne qylmystyń aldyn alýmen baılanysty kóptegen mindetterdi atqarady. Bul joly «Qaýipsiz jol» jedel-profılaktıkalyq is-sharasyna qatysty. Barlyǵy aýdanda 14 ýchaskelik polıtsııa ınspektory jáne olardyń 2 kómekshisi qyzmet atqarady. Jyl basynan ýchaskelik ınspektorlar 27 qylmysty ashyp, 918 ákimshilik quqyq buzýshylyqty anyqtady, 21 mas júrgizýshini ustady», - deıdi aýdannyń PB bastyǵy Asan Meıramov.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT