Shyǵys Qazaqstanda jol apatynan 5 adam kóz jumdy
2022 jylǵy 22 mamyr 21:21

Shyǵys Qazaqstanda jol apatynan 5 adam kóz jumdy

ÓSKEMEN. QazAqparat – Shyǵys Qazaqstan oblysy Jarma aýdanynda jol apatynan 5 adam mert boldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 22 mamyr kúni saǵat 07:40 shamasynda respýblıkalyq mańyzy bar «Almaty-Óskemen» tasjolynyń Jarma aýdany Qalbataý aýylynyń tusyndaǵy 959 shaqyramynda bolǵan.

«NISSAN CEFIRO» markaly avtokóliktiń 36 jastaǵy júrgizýshisi jyldamdyqty ruqsat etilgen shekten asyryp, aldynda kele jatqan «Belarýs 82.1» markaly traktor tirkemesiniń artyna soǵylǵan. Sonyń saldarynan jeńil kóliktiń 36 jastaǵy júrgizýshisi men 4 jolaýshysy sol jerde til tartpaı ketti» delingen aqparatta.

Al 1 jolaýshy túrli dene jaraqattarymen aýrýhanaǵa jatqyzyldy.

Qazirgi ýaqytta atalǵan fakti boıynsha QR Qylmystyq Kodeksiniń 345-baby 4-bóligine sáıkes sotqa deıingi tergeý amaldary júrgizilýde. Birqatar sot-medıtsınalyq saraptama taǵaıyndaldy.


Uqsas jańalyqtar

Jańalyqtar

MURAǴAT