ShQO-da jarty mln astam adamnyń zeınetaqysy men járdemaqysy ósti
2022 jylǵy 20 mamyr 22:10

ShQO-da jarty mln astam adamnyń zeınetaqysy men járdemaqysy ósti

ÓSKEMEN. QazAqparat – Shyǵys Qazaqstan oblysynda 600 myńǵa jýyq adamnyń zeınetaqy men járdemaqy mólsheri artty, dep habarlaıdy QazAqparat tilshisi.

ShQO aqparat ortalyǵynyń málimetine súıensek, óńir boıynsha 568,4 myń adamnyń zeınetaqysy men járdemaqysy artyp otyr.

Buǵan elimizde zeınetaqy men járdemaqyny ınflıatsııaǵa saı ındeksteý úshin qosymsha 111 mlrd teńge bólingeni áser etti.

Barlyq áleýmettik tólemder 2021 jylmen salystyrǵanda 9 paıyz, al yntymaqty zeınetaqy mólsheri 11 paıyz ósken.

«Zeınetaqy jáne járdemaqy mólsheriniń artýyna qatysty barlyq suraqtar boıynsha turǵyndar eńbek, áleýmettik qorǵaý jáne kóshi-qon komıtetiniń Shyǵys Qazaqstan oblysy boıynsha departamentine habarlasa alady. Mekeme mekenjaıy Óskemen qalasy, Belınskıı kóshesi, 32 úı», - delingen habarlamada.

Sonymen qatar jurtshylyq «Azamattarǵa arnalǵan úkimet» memlekettik korporatsııasy oblystyq fılıalynyń áleýmettik qamsyzdandyrý jónindegi aýdandyq jáne qalalyq bólimderine júgine alady.


Uqsas jańalyqtar

Jańalyqtar

MURAǴAT