ShQO-da tótenshe jaǵdaı rejımin buzǵandardyń jazasy jeńildetildi
2022 jylǵy 20 qańtar 16:38

ShQO-da tótenshe jaǵdaı rejımin buzǵandardyń jazasy jeńildetildi

ÓSKEMEN. QazAqparat – ShQO-da tótenshe jaǵdaı rejımin buzǵandardyń jazasy jeńildetildi, dep habarlaıdy QazAqparat tilshisi.

Shyǵys Qazaqstan oblystyq soty baspasóz qyzmetiniń málimetine súıensek, 16-18 qańtar aralyǵynda quqyq buzýshylyq jasaǵany úshin qamaýǵa alynǵan nemese aıyppul salynǵan azamattarǵa qatysty 117 ákimshilik is qaraldy.

«16-17 qańtarda QR ÁQBtK-niń 488-baby (Qazaqstan Respýblıkasynyń beıbit jınalystardy uıymdastyrý jáne ótkizý tártibi týraly zańnamasyn buzý) jáne 476-baby (Tótenshe jaǵdaı rejımin buzý) boıynsha 56 is qaraldy. Sonyń nátıjesinde, qamaýǵa alynǵan 33 adamnyń merzimi qysqartyldy. Aıyppul salynǵan 22 turǵynnyń 13-ine aıyppul sanktsııasy «eskertýge» ózgertilip, bireýine aıyppul mólsheri azaıtyldy», - delingen habarlamada.

Sondaı-aq 18 qańtar kúni 61 is qaralyp, qamaýǵa alynǵan 41 adamnyń 39-y erterek bosatylatyn boldy.

Esterińizge sala ketsek, osyǵan deıin Memleket basshysy Qasym-Jomart Toqaev jaýapkershilikti aýyrlatatyn mán-jaı bolmasa mıtıngi barysynda ustalǵandardyń jazasyn jeńildetken jón ekendigin aıtqan bolatyn.


Jańalyqtar

MURAǴAT