USD 436.29 EUR 492.83
RUB 5.92 CNY 68.48
Jańalyqtar

ShQO-da sońǵy tórt kúnde 7 órt shyqty

2021 jylǵy 18 qazan 10:03
Bólisińiz:
ShQO-da sońǵy tórt kúnde 7 órt shyqty

ÓSKEMEN. QazAqparat – Shyǵys Qazaqstan oblysynda qutqarýshylar 15-18 qazan aralyǵynda 7 órtti sóndirdi, dep habarlaıdy QazAqparat tilshisi.

Uqsas jańalyqtar
Óskemende órt shyqqan úıden áıel men bala qutqarylyp, 8 adam evakýatsııalandy Qyzylordalyq polıtseı otqa oranǵan úıden gaz ballonyn alyp shyqty Atyraýda jeke úı órtenip, kúıik shalǵan bir adam aýrýhanaǵa tústi

ShQO Tótenshe jaǵdaılar departamenti baspasóz qyzmetiniń málimetine súıensek, 16 qazanda Glýbokoe aýdany Praporıkovo aýyly Trýdovaıa kóshesinde ornalasqan jeke turǵyn úıdiń aýlasyndaǵy monsha jandy. Órt sóndirýshiler jalpy aýdany 25 sharshy metrdi quraǵan tilsiz jaýdy tolyqtaı aýyzdyqtady. Órttiń shyǵý sebebi – otty abaısyz qoldanýdan bolýy múmkin.

«Sol kúni Óskemen qalasyndaǵy saıajaı ýchaskesiniń aýmaǵynda garaj shatyry men japsarlaı salynǵan monsha órtengen. Qyzyl jalyn garajda turǵan 2003 jyly shyqqan «Toyota Highlander« markaly avtokóligine jaıyldy. Sondaı-aq Úrjar aýdanynda jeke turǵyn úıdiń aýlasynda 36 tonna pishen janǵan. Aldyn ala málimet boıynsha órttiń shyǵýyna – balalardyń otty abaısyz qoldanýy sebep boldy. Pishen órti Kúrshim jáne Zaısan aýdandarynda da tirkelgen», - delingen aqparatta.

17 qazanda Semeı qalasynda jer úı aýlasyndaǵy sharýashylyq qora-jaıdyń aǵash qurylymdaryn jalyn sharpydy. Oqıǵa ornyna shuǵyl kelgen qutqarýshylar tilsiz jaýdy sóndirdi.

18 qazan kúni Besqaraǵaı aýdanynda jeke turǵyn úıdiń shatyry, qabyrǵalary men monsha jandy. Órttiń jalpy aýdany 12 sharshy metrge jetken. Ottyń shyǵý sebebi – peshti ornatý jáne paıdalaný kezinde órt qaýipsizdigi talaptaryn saqtamaýdan bolýy yqtımal.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT