ShQO-da sońǵy alty kúnde 138 qylmys tirkeldi
2022 jylǵy 26 qańtar 06:13

ShQO-da sońǵy alty kúnde 138 qylmys tirkeldi

ÓSKEMEN. QazAqparat – Shyǵys Qazaqstan oblysynda sońǵy alty kúnde 138 qylmys tirkeldi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, óńir polıtseıleri qoǵamdyq tártipti, jol qaýipsizdigin qamtamasyz etý jáne qylmystardyń aldyn alý maqsatynda 19 qańtardan bastap kúsheıtilgen rejımde jumys isteýde. «Alty kún ishinde oblys aýmaǵynda 138 qylmys tirkeldi. Onyń 93-i ashylyp, qalǵandary boıynsha tergeý amaldary júrgizilýde.

Sondaı-aq buryn jasalǵan 42 qylmys ashylyp otyr. Budan bólek, 2533 ákimshilik quqyq buzýshylyq anyqtalǵan. Onyń ishinde usaq buzaqylyq, tynyshtyqty buzý, qoǵamdyq oryndarda ishimdik ishý, kámeletke tolmaǵandardyń túngi ýaqytta eresekterdiń qaraýynsyz júrýi syndy faktiler bar», - delingen aqparatta.

Mas kúıde kólik tizgindegen 27 júrgizýshi ustalǵan. Ýchaskelik polıtsııa ınspektorlary 1160 jaldamaly páterdi, 72 qaraýsyz qalǵan úıdi jáne 1747 saıajaıdy tekserdi.


Jańalyqtar

MURAǴAT