ShQO-da «Rýhanı jańǵyrý» baǵdarlamasy aıasynda «Abaı álemi» jobasy júzege asyrylýda
2022 jylǵy 22 qańtar 02:17

ShQO-da «Rýhanı jańǵyrý» baǵdarlamasy aıasynda «Abaı álemi» jobasy júzege asyrylýda

ÓSKEMEN. QazAqparat – Shyǵys Qazaqstan oblysynda ótken jyly 35 mádenı nysan jóndeýden ótti, dep habarlaıdy QazAqparat tilshisi.

ShQO ákimdiginiń málimetine súıensek, óńir boıynsha arheologııa salasyna kóp kóńil bólinýde. Elimizdiń jetekshi arheologtary Zaınolla Samashev pen Ábdesh Tóleýbaev kóne muralardy tapty.

«Ekspedıtsııalar barysynda alynǵan artefaktiler oblystyq tarıhı-ólketaný mýzeıiniń qoryn tolyqtyryp, 3 tomdyq «Shyǵys Qazaqstannyń ejelgi dáýiri», «Qazaqstan tarıhy» monografııalaryn jazýǵa negiz bolyp otyr. «Rýhanı jańǵyrý» baǵdarlamasy aıasynda «Abaı álemi» jobasy júzege asyrylýda. Nátıjesinde, jergilikti avtorlardyń 9 myń dana kitaby, jas aqyndar men jazýshylardyń jınaqtary basyp shyǵaryldy», - delingen aqparatta.

Byltyr 35 mádenı nysanǵa jóndeý-qalpyna keltirý jumystary júrgizildi. Jarma aýdany Áýezov kentinde Mádenıet úıi paıdalanýǵa berildi. Ulan aýdanynyń Besterek aýylynda arheologııalyq mýzeı-keshenniń qurylysy aıaqtalýda.

Sonymen qatar Katonqaraǵaı aýdany Topqaıyń aýylyndaǵy, Zaısan aýdany Aınabulaq aýylyndaǵy mádenıet úıleriniń, Tarbaǵataı aýdany Kókjyra aýylyndaǵy arheologııalyq keshenniń qurylysy jalǵasýda.


Jańalyqtar

MURAǴAT