ShQO-da ekonomıkany ártaraptandyrý maqsatynda qandaı jumystar atqarylýda
2022 jylǵy 20 qańtar 01:38

ShQO-da ekonomıkany ártaraptandyrý maqsatynda qandaı jumystar atqarylýda

ÓSKEMEN. QazAqparat – Shyǵys Qazaqstan oblysynda ekonomıkany ártaraptandyrý, taýarlar eksportyn keńeıtý maqsatynda birqatar jumystar atqarylyp jatyr, dep habarlaıdy QazAqparat tilshisi.

ShQO ákimdiginiń málimetine súıensek, «Bıznestiń jol kartasy» baǵdarlamasy aıasynda ótken jyly 414 mlrd teńgege 11 joba iske asyrylǵan.

«Byltyr ınvestıtsııa kólemi 396 mlrd teńge bolatyn «KAZ Minerals Aktogay» JShS Aqtoǵaı taý-ken baıytý kombınatyn keńeıtý jobasy iske qosyldy. Jańa óndiris Gokom mys kenin óńdeý kólemin 2 esege, naqty aıtqanda jylyna 25 mln tonnadan 50-ge deıin ulǵaıtýǵa, sondaı-aq Aıagóz aýdanynda 700 jańa jumys ornyn qurýǵa múmkindik beredi. Іshki naryqty jergilikti ónimdermen qamtamasyz etý úshin Semeıde jańadan salynǵan maı ekstraktsııalyq zaýyty jáne Óskemen qus fabrıkasynyń broıler óndirisin jylyna 55 myń tonnaǵa deıin et ónimderin keńeıtý yqpal etetin bolady», - delingen habarlamada.

Sondaı-aq Zaısan aýdanynda «ARNNA MINERALS» JShS jalpy quny 1,7 mlrd teńge bolatyn artezıan aýyz sýyn, onyń ishinde gazdalǵan jáne gazsyz sýsyndar óndirisin uıymdastyrdy.

«Jańartylatyn jáne balamaly energııa kózderin damytý boıynsha jumystar da júrgizilýde. Jarma aýdanynda qýaty 30 MVt bolatyn 6 jel elektr stantsııasy salynyp, paıdalanýǵa berildi. Budan bólek, birneshe joba aıaqtalý satysynda. «Qazmyrysh» JShS Rail-Veyor kólik júıesin iske qosýmen dolın-Obrýchev kenishiniń ónimdiligin arttyrý boıynsha jumys júrgizýde. Quny 37 mlrd teńge bolatyn joba 320 adamdy jumyspen qamtýǵa múmkindik beredi», - delingen aqparatta.


Jańalyqtar

MURAǴAT