ShQO-da banket pen toı ótkizýge tyıym salyndy – jańa Qaýly
2022 jylǵy 19 qańtar 22:07

ShQO-da banket pen toı ótkizýge tyıym salyndy – jańa Qaýly

ÓSKEMEN. QazAqparat – Shyǵys Qazaqstan oblysynda banket pen toı ótkizýge tyıym salyndy, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, jumys berýshiler eńbek ujymynyń keminde 70%-yn qashyqtan jumys isteý rejımine jiberýi kerek.

Birinshi kezekte COVID-19-ǵa qarsy vaktsına almaǵan jáne sońǵy 6 aı ishinde koronavırýspen aýyrmaǵan qyzmetkerler onlaın formatqa aýystyrylady.

«Ashyq» jobasyna qatysatyn nysandar úshin birqatar ózgeris engizildi. Saltanatty sharalar, banketter, úılený toılary, mereıtoılar ótkizýge tyıym salyndy. Tek 30 adamǵa deıin as berýge ruqsat berilgen. Sondaı-aq ashyq aýada marafonǵa shyǵýǵa, kórermender qatysatyn sporttyq is-sharalar uıymdastyrýǵa bolmaıdy», - delingen qujatta.


Jańalyqtar

MURAǴAT