Shetelde qalǵan qazaqstandyq týrısterdi elge qaıtarý qashan aıaqtalady
2022 jylǵy 18 qańtar 13:21

Shetelde qalǵan qazaqstandyq týrısterdi elge qaıtarý qashan aıaqtalady

NUR-SULTAN. QazAqparat - Shetelde qalyp qoıǵan qazaqstandyq týrıster elge qashan qaıtatyny belgili boldy, dep habarlaıdy QazAqparat Mádenıet jáne sport mınıstrligine silteme jasap.

6-17 qańtar aralyǵynda Qazaqstanǵa 90-ǵa jýyq turaqty jáne 30 charterlik avıareıs arqyly 7361 týrıst qaıtaryldy.

17 qańtardaǵy reısterdiń keshigýine baılanysty 275 týrıst, onyń ishinde Taılandtan – 192, Shrı-Lankadan – 25, Maldıvten – 34 jáne Goadan – 24 týrıst elge oralady, dep kútilýde.

«Osy jyldyń 19 qańtaryna deıin barlyq uıymdastyrylǵan týrıster Qazaqstanǵa oralatynyn habarlaımyz. Sheteldegi barlyq týrısterge reısterdiń aýysatyny týraly habarlandy. Týroperatorlar ózderiniń esebinen, Qazaqstannyń elshilikteri arqasynda týrıstterdi sheteldik qonaqúılerde ornalastyrýdy qamtamasyz etti» delingen málimette.

Qazaqstanǵa keletin týrısterdi tasymaldaý jáne ornalastyrý boıynsha jumystar uıymdastyryldy.

Atqarylǵan is-sharalar «Týrıstik Qamqor» KQ kúshimen, Qazaqstan Respýblıkasy Mádenıet jáne sport mınıstrliginiń qoldaýymen júzege asyryldy.


Jańalyqtar

MURAǴAT