Shańdy daýyl, jańbyr, úsik júrý, ekpindi jel turýy — 22 mamyrǵa jasalǵan kún raıynyń boljamy
2022 jylǵy 22 mamyr 06:00

Shańdy daýyl, jańbyr, úsik júrý, ekpindi jel turýy — 22 mamyrǵa jasalǵan kún raıynyń boljamy

NUR-SULTAN. QazAqparat - Qazgıdromet 22 mamyrda bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.

Bul kúni soltústik-batys tsıklon sınoptıkalyq protsesterdiń shıelenisýine ákeledi - QR basym bóliginde jańbyr jaýady, eldiń ońtústik-batysynda, ońtústiginde, ońtústik-shyǵysynda qatty jańbyr, naızaǵaı, burshaq, daýyl, ekpindi jel, respýblıkanyń ońtústik-batysynda, soltústik-shyǵysynda shańdy daýyl kútiledi. Eldiń soltústik-batysynda topyraq betinde úsik kútiledi.

Túrkistan oblysynyń basym bóliginde naızaǵaı, taýly jáne taý bókterindegi aýdandarda burshaq, daýyl, soltústikte, batysta, ońtústikte, taýly jáne taý bókterindegi aýdandarda jel 15-20, túnde taýly aýdandarda ekpini 25 m/s jetedi. Almaty oblysynyń ońtústiginde, taýly jáne taý bókteri aýdandarynda naızaǵaı, burshaq, daýyl, jeldiń kúsheıýi 18-23, ekpini 29 m/s kútiledi. Qyzylorda oblysynyń ortalyǵynda shańdy daýyl, oblysynyń soltústiginde, shyǵysynda, ortalyǵynda jeldiń kúsheıýi 15-20, ekpini 23 m/s jetedi, túnde oblystyń shyǵysynda naızaǵaı, daýyl kútiledi.

Túnde Qaraǵandy oblysynyń batysynda, soltústiginde, shyǵysynda, kúndiz soltústiginde, shyǵysynda naızaǵaı, burshaq, daýyl, jeldiń kúsheıýi 15-20, ekpini 23-28 m/s kútiledi. Qostanaı oblysynyń ońtústiginde, soltústiginde naızaǵaı, burshaq, daýyl, jeldiń kúsheıýi túnde oblystyń ońtústiginde 15-20 m/s, kúndiz basym bóliginde 15-20, oblysynyń ońtústiginde, batysynda ekpini 23-28 m/s kútiledi.

Soltústik Qazaqstan oblysynyń ońtústiginde, batysynda, soltústiginde naızaǵaı, burshaq, daýyl, jeldiń kúsheıýi túnde oblysynyń ońtústik-shyǵysynda 15-20 m/s, kúndiz basym bóliginde 15-20, oblysynyń ońtústiginde, batysynda ekpini 23 m/s kútiledi. Aqmola oblysynyń soltústiginde, batysynda, ońtústiginde naızaǵaı, burshaq, daýyl, jel 15-20, kúndiz oblysynyń ońtústiginde, batysynda, shyǵysynda ekpini 23-28 m/s kútiledi. Batys Qazaqstan oblysynyń batysynda naızaǵaı, oblysynyń soltústik-shyǵysynda burshaq, kúndiz oblysynyń batysynda jeldiń ekpini 15-20 m/s kútiledi.

Atyraý oblysynyń soltústiginde, batysynda, ortalyǵynda naızaǵaı, kúndiz basym bóliginde jeldiń kúsheıýi 17-22 m/s kútiledi. Mańǵystaý oblysynyń soltústiginde, shyǵysynda, ortalyǵynda naızaǵaı, kúndiz oblysynyń batysynda, ońtústiginde shańdy daýyl, jeldiń kúsheıýi túnde oblysynyń soltústiginde shyǵysynda, kúndiz basym bóliginde 15-20, kúndiz oblysynyń soltústiginde, shyǵysynda, ońtústiginde ekpini 25 m/s kútiledi. Aqtóbe oblysynyń soltústiginde, batysynda, shyǵysynda naızaǵaı, oblysynyń batysynda, ońtústiginde jeldiń kúshi 15-20 m/s kútiledi.

Jambyl oblysynyń ońtústiginde, soltústiginde, taýly aýdandarynda naızaǵaı, burshaq, daýyl, oblysynyń ońtústik-batysynda, soltústik-shyǵysynda, taýly aýdandarynda jeldiń kúsheıýi 15-20, ekpini 23-28 m/s kútiledi. Shyǵys Qazaqstan oblysynyń soltústiginde, batysynda, ońtústiginde jeldiń kúshi 15-20, ekpini 25 m/s jetedi, kúndiz burshaq, naızaǵaı kútiledi. Pavlodar oblysynyń kúndiz soltústik jartysynda naızaǵaı, oblysynyń batysynda shańdy daýyl, kúndiz basym bóliginde jeldiń kúsheıýi 15-20 m/s kútiledi.

Shyǵys Qazaqstan oblysynyń Jarma aýdanynda, Qyzylorda, Pavlodar oblystarynyń ortalyǵynda, Batys Qazaqstan ońtústiginde, Aqtóbe oblysynyń ortalyǵynda, soltústiginde ortalyǵynda tótenshe órt qaýipi kútiledi.

Jańalyqtar

MURAǴAT