+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Senatorlar qarý-jaraqty saqtaý men ony joıý boıynsha zańnamaǵa túzetýler engizdi

2021 jylǵy 21 qazan 11:26
Bólisińiz:
Senatorlar qarý-jaraqty saqtaý men ony joıý boıynsha zańnamaǵa túzetýler engizdi

NUR-SULTAN. QazAqparat – Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik satyp alý, jer qoınaýyn paıdalanýshylar men tabıǵı monopolııalar sýbektileriniń satyp alýy, baılanys, avtomobıl kóligi jáne qorǵanys máseleleri boıynsha ózgerister men tolyqtyrýlar engizý týraly» zań jobasy jóninde ekinshi oqylymda talqylandy. Qujatqa tolyqtyrýlar engizilgendikten, zań jobasy Májiliske qaıtaryldy, dep habarlaıdy QazAqparat tilshisi.

Zań jobasy memlekettik satyp alý salasyndaǵy zańnamany odan ári jetildirý maqsatynda ázirlengen.

Senator Edil Mamytbekov qujatta memlekettik satyp alýdyń 4 jańa tásilin endirý, bir kózden alý tásilimen memlekettik satyp alýdy júzege asyrýdyń 4 negizin qysqartý qarastyrylǵanyn aıtty.

Zań jobasymen:

- memlekettik satyp alýdy júzege asyrýdyń mynadaı tásilderin básekelestikke jatqyzý: konkýrs , aýktsıon, baǵa usynystaryn suratý jáne taýar bırjalary arqyly;

- memlekettik satyp alýdyń veb-portalynda bir kózden satyp alý týraly sheshim qabyldaǵan laýazymdy adam týraly málimetter, sondaı-aq básekelestik ádisterimen satyp alýlardy júzege asyrýdyń múmkin bolmaýy sebepteriniń negizdemeleri kórsetilgen bir kózden memlekettik satyp alýlar týraly eseptiń mindetti ornalastyrylýy;

- bir kózden satyp alýlar boıynsha tapsyrys berýshiniń birinshi basshysynyń jeke jaýapkershiligi;

- taýarlardyń elektrondyq katalogy, elektrondyq depozıtarıı, ofteık-kelisimshart, formattyq-logıkalyq baqylaý, áleýetti jetkizýshilerdiń pasporttarynyń bazasy, kelisim komıssııasy sııaqty jańa uǵymdardy engizý kózdeledi.

Zań jobasyn Májiliste qaraý barysynda jergilikti qamtýdy damytýǵa jáne qazaqstandyq óndirýshilerdi qoldaýdy qamtamasyz etýge, Áskerı maqsattaǵy aqparattyq-kommýnıkatsııalyq ınfraqurylymnyń biryńǵaı operatoryn qurýǵa, satyp alýdyń qaǵaz túrindegi túrin alyp tastaýǵa,
sondaı-aq tabıǵı monopolııalar sýbektileriniń satyp alýdy júzege asyrýynyń ashyqtyǵyn qamtamasyz etýge jáne t.b. baǵyttalǵan túzetýler engizildi.

Zań jobasyn talqylaý barysynda Senat depýtattary zań jobasyna ózgerister men tolyqtyrýlar engizdi, onyń ishinde:

- «Jer qoınaýy jáne jer qoınaýyn paıdalaný týraly» QR Kodeksine kásipkerlikti yntalandyrý týraly kelisimdi reglamentteıtin jańa bapty jer qoınaýyn paıdalaný quqyǵy týraly jalpy erejelerdi belgileıtin 4-taraýdan 3-taraýǵa kóshirý bóliginde;

- «Memlekettik satyp alý týraly» QR Zańyna: elektrondyq dúkendi memlekettik satyp alýdy júzege asyrýdyń básekeles tásilderine engizý; sol bir qurylys obektisinde ınjınırıngtik kórsetiletin qyzmetterdi nemese qurylys-montajdaý jumystaryn memlekettik satyp alýǵa qatysýǵa quqyǵy joq sýbektilerdi naqtylaý bóliginde;

- «Qazaqstan Respýblıkasynyń qorǵanysy jáne Qarýly Kúshteri týraly» QR Zańyna odan ári saqtalýy naqty qaýip tóndiretin jáne dereý joıýdy talap etetin oq-dáriler aınalymynyń erekshelikterine qatysty normalarǵa;

- «Ǵylym týraly» QR Zańyna, ǵylymdy qarjylandyrýdyń jańa túrin engizý bóliginde – irgeli ǵylymı zertteýlerdi júzege asyratyn ǵylymı uıymdardy qarjylandyrý; Ulttyq ǵylymı keńesterdiń sheshimderine apellıatsııa berýdiń jańa ınstıtýty – Apellıatsııalyq komıssııany engizý bóliginde; jetekshi ǵalym sanatyn zańnamalyq bekitý, sondaı-aq onyń eńbegine aqy tóleýdi reglamentteý jáne basqa ózgerister men tolyqtyrýlar engizdi.

Senat tóraǵasy Máýlen Áshimbaev qaralǵan zań jobasy birqatar saladaǵy qoǵamdyq qarym-qatynastardy retteýge baǵyttalǵanyn atap ótti.

«Negizgi ózgerister memlekettik satyp alý salasyndaǵy zańnamany odan ári jetildirýdi kózdeıdi. Onyń ishinde konkýrs ótkizý kezinde sybaılas jemqorlyq táýekelderin barynsha azaıtýǵa basa mán berilgen. Zań jobasy memlekettik satyp alý rásimderin ońaılatyp, artyq retteýdi joıýǵa jol ashady. Búgin biz osy zań jobasyna birqatar túzetýler engizip, olardy Májiliske jiberdik. Senat qabyldaǵan túzetýler Memleket basshysynyń bıylǵy Joldaýynda belgilengen ǵylym salasyn odan ári damytýǵa qatysty tapsyrmany iske asyrýdy kózdeıdi. Atap aıtqanda, bazalyq qarjylandyrý arqyly elimizdiń jetekshi ǵalymdaryna eńbekaqy tóleý, irgeli ǵylymı zertteýler júrigizetin ǵylymı uıymdardy tikeleı qoldaý úshin qarjylandarýdyń jańa túrin engizý usynylyp otyr. Oǵan qosa, ǵylymı, ǵylymı-tehnıkalyq jobalar men baǵdarlamalardy qarjylandyrý merzimin 3 jyldan 5 jylǵa deıin ulǵaıtý usynylady. Sonymen qatar, Senat engizip otyrǵan túzetýler qarý-jaraqty saqtaý jáne ony joıý joldaryn retteýge baǵyttalǵan. Bul sońǵy ýaqytta elimizdegi qarý-jaryq qoımalarynda bolǵan tragedııalyq jaǵdaılar qaıtalanbaý úshin jasalǵan qadam», - dedi M. Áshimbaev.


Bizdiń kanalymyzǵa jazylyńyz:

#Parlament   #Senat   #Zań  
Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT