Senator apattyq jaǵdaıdaǵy turǵyn úı ıelerine jaldamaly jańa baspanany keıin satyp alý múmkindigin berýdi usyndy
2022 jylǵy 13 qańtar 11:24

Senator apattyq jaǵdaıdaǵy turǵyn úı ıelerine jaldamaly jańa baspanany keıin satyp alý múmkindigin berýdi usyndy

NUR-SULTAN. QazAqparat – QR Parlamenti Senaty depýtaty Narıman Tóreǵalıev apattyq jaǵdaıdaǵy turǵyn úı ıelerine jaldamaly jańa baspanany keıin satyp alý múmkindigin berýdi usynyp, depýtattyq saýal joldady, dep habarlaıdy QazAqparat tilshisi.

Senator Narıman Tóreǵalıev depýtattyq saýalynda Memleket Basshysy Úkimettiń aldyna naqty óńirlik problemalardy sheshýge baǵyttalǵan mindetterdi júktegenin eske saldy. Ol, sonymen qatar, Batys Qazaqstan oblysynda birneshe jyl boıy apatty jaǵdaıda turǵan úılerdiń máselesi sheshilmeı, baspana ıeleri daǵdaryp otyrǵanyn atady. Narıman Tóreǵalıev sol turǵyndardyń quqyqtaryn qorǵaý úshin «Turǵyn úı qatynastary týraly» Zańǵa ózgerister engizýdi usynyp otyr. Onyń málimetine qaraǵanda, qoldanystaǵy zań boıynsha, apattyq jaǵdaıdaǵy, biraq menshik turǵyn úıden shyǵarylǵan jaǵdaıda, onyń ıeleri tek jalǵa beriletin jańa páterlerge kire alady.

Depýtat halyqqa apattyq jaǵdaıda bolsa da, óz menshigindegi úıden aıyrylmaý mańyzdy ekenin aıtady. Sondyqtan jalǵa beriletin turǵyn úıde birshama ýaqyt turǵannan keıin olarǵa kommýnaldyq páterlerdi qaldyq quny boıynsha jekeshelendirýdiń nemese satyp alýdyń quqyǵy berilýi kerek dep esepteıdi.

«Turǵyn úı qatynastary týraly» Zańǵa sáıkes, turǵyndar kommýnaldyq turǵyn úı qorynan páter alǵandyqtan, olardyń menshik quqyǵyndaǵy avarııalyq turǵynjaılary kommýnaldyq menshikke qabyldandy. Osylaısha bir mezette azamattar jalǵyz baspanalarynan aıyrylyp, jaldamaly páterlerge aýystyryldy. Turǵyndardyń basym kópshiligi az qamtylǵan azamattar ekendigin atap ótken jón. Úılerin jeke menshikke berý boıynsha turǵyndar óz tarapynan, oblys, qala ákimderiniń atyna hat joldap, máseleni Senat depýtattarynyń aldynda da kótergen bolatyn. Osy rette, kóterilip otyrǵan másele tek Batys Qazaqstan oblysynyń problemasy emes, elimizdiń barlyq óńirlerine de qatysy bar», - dedi senator.


Jańalyqtar

MURAǴAT