Sarapshy: Resmı statıstıka shyndyqtan alshaq bolmaýy kerek
2022 jylǵy 20 qańtar 19:30

Sarapshy: Resmı statıstıka shyndyqtan alshaq bolmaýy kerek

NUR-SULTAN. QazAqparat – «Habar» telearnasyndaǵy «Bolshaıa nedelıa» baǵdarlamasynda resmı statıstıkanyń burmalanýy qate ekonomıkalyq sheshimderge jol ashyp jatqany aıtyldy, dep habarlaıdy QazAqparat tilshisi.

Mundaı pikirdi saıasattanýshy Ánýar Nurtazın aıtty.

«Biz Dúnıejúzilik banktiń statıstıkasynda jaqsy kórsetkishte turýǵa umtylǵan kezeńniń tásilderinen alshaqtaýymyz kerek. Mysaly, bizde shyn mánindegi ortasha eńbekaqy resmı ortasha aılyq mólsherine sáıkespeıdi. Biz aılyq esepteýdiń medıandyq nemese tipti modaldyq tásiline kóshýimiz kerek. Basymyzdaǵy jaǵdaıǵa, qoǵamdaǵy shyndyqqa ádiletti qaraýymyz kerek», - dedi sarapshy.

Sondaı-aq, ol eldegi jumyssyzdardyń sanyn shynaıy eseptemeı, «ózin-ózi jumyspen qamtýshy» degen termınmen búrkemeleý eńbek daýlaryn ýshyqtyryp otyrǵanyn atady.

Al ekonomıst ǵalym Saparbaı Jobaevtyń aıtýynsha, Qazaqstandaǵy jumyssyzdardyń sany 4,5 mln degen statıstıka shyndyqqa janaspaıdy.

«Eńbekke jaramdy 9 mln halyqtyń 6 mıllıony zeınetaqy tólemderin udaıy aýdaryp júr. ıAǵnı, olar jumys isteıdi degen sóz. Qalǵan 3 mln adamnyń 0,5 mıllıonǵa jýyǵy resmı jumyssyz retinde tirkelgen. Sonda bizde 2,5 mln ózin-ózi jumyspen qamtýshy», - dedi ǵalym.

Sarapshy bul málimetin mynadaı qısynmen túsindirip kórdi.

«Aýyl sharýashylyǵy mańyzdy ekeni daýsyz, biraq jalpy ishki ónimdegi úlesi 4 paıyz ǵana. Qazir bul salada ózin-ózi jumyspen qamtyp otyrǵan halyqtyń 1-1,5 mıllıony júr. Qaladaǵy bazarlar men qyzmet kórsetý salasynda 1 mıllıondaı adam eńbek etedi. Muny ruqsat etilgen, biraq esepke alynbaǵan kásipter dep aıtýǵa bolady. ıAǵnı, salyq tólenbeıdi. Osynyń bárine tolyqtaı aýdıt júrgizý kerek. Sonda ǵana jumysqa jaramdy 9 mln halyqtyń ishinde 1,5-2 mln adamǵa turaqty jumys taýyp berý kerek ekenin túsinemiz. Demek, qazir aıtyp júrgendeı 4,5 mln adam emes. 9 mln eńbekke jaramdy halyqtyń teń jatrysy jumyssyz degen eshbir qısynǵan syımaıdy», - dedi Saparbaı Jobaev.


Jańalyqtar

MURAǴAT