+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Reseıde bes kún qatarynan koronavırýstan táýligine 800 adam kóz jumdy

2021 jylǵy 25 qyrkúıek 22:40
Bólisińiz:
Reseıde bes kún qatarynan koronavırýstan táýligine 800 adam kóz jumdy

MÁSKEÝ. TASS-QazAqparat – Reseıde koronavırýstan kóz jumǵandar sany bir kúnniń ishinde 822-ge ósip, 203 095-ke jetti. Bir kún buryn bul kórsetkish 828 bolǵan. Bul týraly Jańa ınfektsııamen kúres jónindegi federaldy jedel shtab málim etti, dep habarlaıdy QazAqarat TASS agenttigine silteme jasap.

Uqsas jańalyqtar
Qostanaıda koronavırýs juqtyrý kórsetkishi 8,4% artty Batys Qazaqstanda kazan aıynda 1 myńnan astam adam koronavırýs juqtyrǵan SQO-da koronavırýstan qaıtqandardyń 78 paıyzy - 61 jastan asqandar

Bes kún qatarynan 800-den asa adam koronavırýstan kóz jumýda, mundaı kórsetkish tamyzdyń ortasynda bolǵan. Shtab derekteri boıynsha, shartty ólim úlesi (naqty ólim úlesi epıdemııanyń sońynda shyǵarylady) 2,75%-ǵa ósken. Atap aıtqanda, sońǵy táýlikte Máskeýde 63, Sankt-Peterbýrgte 50, Sverdlov oblysynda 40, Krasnodar ólkesinde 34, Nıjegorod oblysynda 30 adam vırýstan qaıtys bolǵan.

Elde bir táýliktiń ishinde 22 myń turǵyn koronavırýs juqtyrǵan, mundaı kórsetkish sońǵy ret 14 tamyz kúni tirkelgen bolatyn. Bul kórsetkish 22 041-ge kóbeıip, 7 398 415-ke jetti. Atap aıtqanda, Máskeýde 3 211, Sankt-Peterbýrgte 1 907, Máskeý oblysynda 1 106, Samara oblysynda 569, Voronej oblysynda 543, Nıjegorod oblysynda 522, al Sverdlov oblysynda 518 juqtyrý jaǵdaıy tirkelgen.
Belsendi jaǵdaılar sany Reseıde pandemııasynyń basynan beri birinshi ret 600 myńnan asty. Shtabtyń derekterine saı, qazirgi kezde elde 604 387 adam em qabyldap jatyr.
Koronavırýstan emdelip shyqqan reseılikter sany bir táýlikte 16 325-ke ósti. Barlyǵy elde 6 590 933 adam jazylyp shyqty. Shtab derekteri boıynsha, jazylyp shyqqandar úlesi vırýs juqtyrǵandardyń 89,1%-n quraıdy. Atap aıtqanda, Sankt-Peterbýrgte 1 508, Máskeý oblysynda 909, Sverdlov oblysynda 475, Qyrym Respýblıkasynda 470, Rostov oblysynda 448 adam jazylyp shyqqan.
Bizdiń kanalymyzǵa jazylyńyz:

Bólisińiz:

Avtor:

Bıbihan Serikova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT