Reseı maımyl sheshegin juqtyrý jaǵdaılaryn anyqtaıtyn test júıesin qoldanbaq
2022 jylǵy 21 mamyr 12:02

Reseı maımyl sheshegin juqtyrý jaǵdaılaryn anyqtaıtyn test júıesin qoldanbaq

MÁSKEÝ. TASS – QazAqparat – Maımyl sheshegi indetiniń yqtımal jaǵdaılaryn anyqtaýǵa arnalǵan test indettiń taralý qaýpi tóngen jaǵdaıda qoldanylýy múmkin, dep habarlaıdy QazAqparat reseılik TASS agenttigine silteme jasap.

Júıeni Reseıdiń «Rospotrebnadzor» mekemesiniń «Vektor» vırýsologııa jáne bıotehnologııa memlekettik ǵylymı ortalyǵy qurdy.

«Ol juqtyrǵan janýarlardan alynǵan klınıkalyq materıaldaǵy vırýstardy sátti anyqtaýǵa, sondaı-aq patsıentterdegi vaktsınatsııa alańyndaǵy pýstýlıarly qyrtystardaǵy vaktsına vırýsyn tabýǵa múmkindik beredi», - dedi Rospotrebnadzor.

19 mamyrda Reseıde maımyl shesheginiń yqtımal jaǵdaılaryn tez anyqtaý úshin avtonomdy test júıesin qurylatyny týraly belgili boldy. Rospotrebnadzordyń «Vektor» ortalyǵy onyń zerthanalyq synaqtaryn sátti ótkizgeni týraly habarlandy.

Maımyl sheshegi vırýsy Batys Eýropanyń birqatar elderinde sáýir - mamyr aılarynda tardy, qazirgi ýaqytta ol basqa kontınentterde de anyqtaldy.

Dúnıejúzilik densaýlyq saqtaý uıymy jaqynda indetti talqylaý úshin jetekshi sarapshylardyń qatysýymen jedel jınalys ótkizedi. Buǵan deıin ótken aptada DDU Eýropalyq aımaǵynyń birneshe elinde maımyl sheshegi indeti tirkelgeni týraly habarlanǵan bolatyn.


Avtor:
Tilshi

Jańalyqtar

MURAǴAT