Reseı bankteriniń qazaqstandyq bólimshelerinde 9,2 mlrd teńge buǵattalǵan
2022 jylǵy 23 mamyr 10:21

Reseı bankteriniń qazaqstandyq bólimshelerinde 9,2 mlrd teńge buǵattalǵan

NUR-SULTAN. QazAqparat – Reseı bankteriniń Qazaqstandaǵy enshiles uıymdarynda 9,2 mlrd teńge bolatyn qarjy buǵattalǵan. Bul týraly QR Qarjy naryǵyny retteý jáne damytý agenttiginiń tóraǵasy Mádına Ábilqasymova Májilis depýttarynyń saýalyna joldaǵan jaýabynda aıtty, dep habarlaıdy QazAqparat tilshisi.

«Sanktsııalyq talaptar aıasynda jekelegen sheteldik bankter – «Sberbank» AQ enshiles bankininiń, «Alfa-Bank» AQ enshiles bankiniń jáne «Bank VTB (Qazaqstan)» AQ enshiles uıymynyń shetel valıýtasyndaǵy korrespondenttik shottary buǵattalǵan. Atalǵan bankterdiń málimetinshe, saldarynan jalpy somasy shamamen 9,2 mlrd teńge («Sberbank» AQ EB boıynsha – 2,7 mlrd teńge, «Alfa-Bank» AQ ,EB boıynsha – 6,2 mlrd teńge, «Bank VTB (Qazaqstan)» AQ EU boıynsha – 0,3 mlrd teńge) bolatyn qaldyqtarǵa shekteý qoıylǵan. Budan basqa «Sberbank» AQ enshiles bankiniń jekelegen klıentteriniń 2,9 mlrd teńge bolatyn shetel valıýtasyndaǵy tólemderdi buǵattalǵan. «Alfa-Bank» AQ enshiles bankiniń jekelegen klıentteriniń 3,9 mlrd teńge bolatyn shetel valıýtasyndaǵy tólemder men aýdarymdary buǵattaldy. Qazirgi tańda banktiń jańa aktsıoneri «Bank TsentrKredıt» AQ bankti AQSh pen birqatar basqa elderdiń sanktsııalyq tiziminen shyǵarý jumystaryn júrgizýde» dep jazylǵan jaýapta.

Agenttik basshysynyń deregi boıynsha, «Bank VTB (Qazaqstan)» AQ enshiles uıymynyń klıentteriniń tólem jáne aýdarym operatsııalary sheńberinde qarajattardy oqshaýlaý nemese buǵattaý faktileri joq.

Sondaı-aq, ol atalǵan enshiles bankterdiń basyndaǵy problemanyń saldarynan shyǵyn kórdim dep esepteıtin qazaqstandyqtar sotqa júgine alatynyn aıtady.

«Sberbank» AQ enshiles banki jáne «Alfa-Bank» AQ enshiles banki qarajatyn buǵattaý jáne olardyń klıentteriniń qarajatyn oqshaýlaýǵa baılanysty qalyptasqan jaǵdaı syrtqy geosaıası táýekelderge baılanysty. Osy oraıda klıentter eki bankke qatysty shyǵyndaryn ótep alý úshin azamattyq talap aryz bergen jaǵdaıda bankter sot organdarynyń sheshimderine sáıkes bul talapty qanaǵattandyrady», - dep jazady Mádına Ábilqasymova.

Buǵan deıin atalǵan agenttik basshysy BAQ ókilderine 3 reseılik bankke qatysty 3 mlrd teńge buǵattaldy degen aqparat bergen bolatyn.


Jańalyqtar

MURAǴAT