Qatar Airways pen Air Arabia Qazaqstanǵa reısterdi qaıta jandandyrdy
2022 jylǵy 21 qańtar 16:38

Qatar Airways pen Air Arabia Qazaqstanǵa reısterdi qaıta jandandyrdy

NUR-SULTAN. QazAqparat – Qatar Airways jáne Air Arabia halyqaralyq áýe kompanııalary Qazaqstanmen aradaǵy reısterdi qaıta jandandyrdy. Bul týraly Indýstrııa jáne ınfraqurylymdyq damý mınıstrliginiń baspasóz qyzmetinen málimet etti, dep habarlaıdy QazAqparat tilshisi.

«21 qańtardan bastap katarlyq «Qatar Airways» áýe kompanııasy Doha – Almaty – Doha baǵytyndaǵy apta saıynǵy 2 reısti qaıta jandandyrdy. Reıster dúısenbi jáne juma kúnderi A-320 tıpti áýe kemesimen oryndalady.

Al Birikken Arab Ámirlikteriniń «Air Arabia» áýe kompanııasy 21 qańtardan bastap A–320/A–321 tıpti áýe kemesimen seısenbi, beısenbi jáne senbi kúnderi Shardja-Almaty-Shardja baǵyty boıynsha ushýdy qaıta bastady», - dep jazylǵan mınıstrliktiń aqparatynda.

Vedomstvonyń baspasóz qyzmetiniń habarlaýynsha, reıster sanıtarlyq-epıdemıologııalyq talaptardy qatań saqtaý arqyly, áýe kompanııalardyń saıtynda jarııalanǵan keste boıynsha oryndalmaq.


Jańalyqtar

MURAǴAT