USD 434.34 EUR 491.93
RUB 5.56 CNY 68.67
Jańalyqtar

Prezıdenttik reformalar: sarapshylar beıbit jınalystar týraly zańnyń nátıjelerin talqylap jatyr

2021 jylǵy 20 tamyz 14:12
Bólisińiz:
Prezıdenttik reformalar: sarapshylar beıbit jınalystar týraly zańnyń nátıjelerin talqylap jatyr

ALMATY. QazAqparat - Almatyda Ulttyq qoǵamdyq senim keńesi qyzmetiniń aıasynda «Beıbit jınalystar týraly jańa zańnyń qoldanysyna sholý» taldamaly baıandamasynyń tanystyrylymy ótip jatyr, dep habarlaıdy QazAqparat tilshisi.

Sharaǵa belgili qazaqstandyq sarapshylar, quqyq qorǵaýshylar men Ulttyq qoǵamdyq senim keńesiniń músheleri qatysyp jatyr.

Іs-sharany Qazaqstan Respýblıkasy Prezıdentiniń kómekshisi, Ulttyq keńestiń hatshysy Erlan Qarın ashty.

Baıandama avtorlary - Marat Shıbutov pen Naılıa Álmuhamedova.

Tanystyrylym barysynda baıandama avtorlary bul qujatta mıtıngiler týraly zańdardy jetildirýdiń qysqasha hronologııasy berilip, ótken jylda ótkizilgen beıbit jınalystarǵa qatysty qabyldanǵan normalardyń erejelerin júzege asyrý jaıyna taldaý jasalǵanyn aıtty.

Atap aıtqanda, baıandamada jańa zańnyń qoldanylýy azamattarǵa ózderiniń azamattyq pozıtsııasyn kórsetýge keń múmkindikter beretindigine nazar aýdarylady. Sonymen qatar, zań normalary boıynsha jańa oryndarda, qalalardyń ortalyqtarynda beıbit jınalystar ótkizý turǵyn halyqtyń kóp jınalýyna, buqaralyq aqparat quraldarynda jan-jaqty jarııa etýge jol ashty.

«Qazaqstan Respýblıkasynda beıbit jınalystardy uıymdastyrý men ótkizý tártibi týraly» zań kúshine engen sátten bastap ótken jyldyń maýsym aıynan osy jyldyń maýsymyna deıin 500 -den astam beıbit jınalystar (mıtıng, pıket, jınalys, sherý, demonstratsııa túrinde) búkil el boıynsha ótti. Jańa zańnyń arqasynda mıtıngter qazaqstandyqtardyń qoǵamdyq ómirinde úırenshikti normaǵa aınalýda.

Qazirgi ýaqytta Ulttyq keńes qyzmetiniń aıasynda barlyǵy 17 zań, 3 Jarǵy jáne ortalyq memlekettik organdardyń 50-den astam qaýlysy, buıryqtary men ókimderi qabyldandy. Qazirge ýaqytta 15-ten astam zań jobasy ázirleý jáne qaraý satylarynan ótip jatyr.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059

MURAǴAT