Polıtseımin dep telefonmen qorqytqan - Qaraǵandylyq alaıaqtar 40 mln teńgeni jymqyrdy
2022 jylǵy 23 mamyr 12:38

Polıtseımin dep telefonmen qorqytqan - Qaraǵandylyq alaıaqtar 40 mln teńgeni jymqyrdy

NUR-SULTAN. QazAqparat – Alaıaqtar ózderin bank nemese polıtsııa qyzmetkerimin dep tanystyrǵan. Bul týraly atalǵan vedomstvo ókili Shuǵyla Turlybek málim etti, dep habarlaıdy QazAqparat tilshisi.

«Qaraǵandyda azamattardy 40 mln teńgege aldap ketken ınternet-alaıaqtar ustaldy. Qaskóıler azamattardyń abonenttik nómirine qońyraý shalyp, ózderin bank nemese polıtsııa qyzmetkeri retinde tanystyrǵan. Adamdardy aldap, jeke qarajatyn rezervtik shotqa aýdarýǵa kóndirgen. Osyndaı alaıaqtardyń qurbany bolmas úshin azamattardy barynsha saq bolýǵa shaqyramyz», - dedi Shuǵyla Turlybek mınıstrlikte ótken baspasóz máslıhatynda.

Sondaı-aq, mınıstrlik ókili eldegi krımınogendik jaǵdaıǵa toqtalyp ótti.

«Ótken apta ishinde 3299 qylmys jasaldy, onyń 1998 táýlik ishinde ashyldy. Polıtsııa qyzmetkerleri «izin sýytpaı» 8 kisi óltirýdi, 4 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 49 tonaý jáne 531 bóten múlikti urlaý qylmysynyń betin ashty», - deıdi ol.

Buǵan deıin mınıstrlik ókili pasportqa nelikten chıp japsyrylatynyn túsindirip ótti.

Aıta keteıik, elimizde jyl basynan beri 92 balany kólik qaǵyp ketken.


Jańalyqtar

MURAǴAT