+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Pavlodarda qyrkúıektiń sońyna deıin turǵyn úılerdiń basym bóligine jylý beriledi

2021 jylǵy 24 qyrkúıek 22:57
Bólisińiz:
Pavlodarda qyrkúıektiń sońyna deıin turǵyn úılerdiń basym bóligine jylý beriledi

NUR-SULTAN. QazAqparat – Jeke turǵyn úılerge jylý eń sońǵy kezekte berilmek, dep habarlaıdy Pavlodarnews.kz.

Bul týraly onlaın ótken baspasóz jıynynda «Pavlodar jylý jelileri» JShS bas ınjeneriniń orynbasary Pavel Pletýhov málim etti.

- Pavlodar qalasynda qyrkúıek aıynyń 16-synan bastap áleýmettik nysandarǵa jylý berildi. Qazir 67 balabaqsha, 38 mektep, 63 bilim berý uıymy, jalpy 206 bıýdjettik uıym jylýǵa qosyldy. 5 balabaqsha áli qosylǵan joq, - dedi Pavel Pletýhov.

Spıkerdiń aıtýynsha, jospar boıynsha qalada turǵyn úılerdi 23 qyrkúıekten bastap jylýǵa qosý kózdelgen. Alaıda, keıbir úılerdi erte qosqan.

- Keıin bóget bolmas úshin keıbir úılerdi erterek qostyq. Búginde 327 kóp qabatty úıge jylý berildi. Qyrkúıektiń sońynda úılerdiń 99 paıyzy jylýǵa qosylady. Jylý jelisinde aqaý bar úıler keıin qosylady. Sondaı-aq jeke turǵyn úılerdiń kóbinde daıyndyq aktisi joq. Sondyqtan olardyń eń sońynda qosamyz, - dedi Pavel Pletýhov.

Sondaı-aq Pavel Pletýhov jylý qashan qosylatyny belgisiz úıler de bar ekenin atap ótti.

Alıýmınıı zaýyty kenti, «Dostyq» shaǵyn aýdanyndaǵy úıler qashan qosylatyny áli belgisiz. Bul jaǵynan qaýip bar. Bul jerlerdiń jelileri jańa. Bizge áli ótkizilgen joq. Ol qandaı jeli, qansha ýaqytta qosylatynyn aıta almaımyz, - dedi Pavel Pletýhov.

Aıta keteıik, turǵyndar óz úılerine qashan jylý beriletini týraly «Pavlodarenergo» JShS saıtynan qaraı alady. Qosylý ýaqyttary kórsetilmegen úıler kórshi úılerdiń ýaqytyna qaraýy kerek.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT