+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Pavlodar oblysynyń turǵyny qyzǵanyshtan adam óltirip, 12 jylǵa sottaldy

2021 jylǵy 23 qazan 05:41
Bólisińiz:
Pavlodar oblysynyń turǵyny qyzǵanyshtan adam óltirip, 12 jylǵa sottaldy

PAVLODAR. QazAqparat – Qaıǵyly oqıǵa Ýspenka qalasynda boldy, dep habarlaıdy QazAqparat tilshisi.

Uqsas jańalyqtar

«Maýsymnyń bir kúni tańerteń Pavlodar oblysy Ýspen aýdanynyń polıtsııasyna aýyl turǵyny qońyraý shalǵan. Er adam qoryqqan daýyspen aýlasynda 28 jastaǵy áıeldiń óltirilgeni týraly habarlaǵan», - dep málimdedi Pavlodar oblysynyń polıtsııa departamentiniń baspasóz qyzmeti.

Atalǵan is polıtsııa bólimi bastyǵynyń orynbarasy Asqar Aralbaev pen aǵa tergeýshi Maqsat Dúısembaevqa tapsyrylǵan.

Qaıtys bolǵan áıel 61 jastaǵy Ýspenka aýylynyń turyǵynymen qarym-qatynasta bolyp, birge turǵan.

Er adam jıi qol kótere bergennen keıin áıel onymen qarym-qatynasyn úzgen.

«Baratyn jeri bolmaǵan áıel tanysynyń úıinde turýǵa suranady. Biraz ýaqyttan keıin bul úıge Pavlodardan qonaq keledi. Kelgen qonaq pen áıeldiń arasynda sezim oıanyp, Pavlodarǵa ekeýi birge qaıtpaq bolǵan. Bul týraly estigen 61 jastaǵy áıeldiń burynǵy ǵashyǵynyń boıyn qyzǵanysh bıleıdi», - dep qosty tártip saqshylary.

Er adam ishimdikke toıyp alyp, áıeldi oıynan aınytpaq bolǵan. Alaıda ol oıynan qaıtpaıtynyn aıtady.

«Sol kezde er adam áıeldiń kókirek qýysyna pyshaq suqqan. Ashýǵa býlyqqan er adam sol áreketin birneshe ret qaıtalaǵan, - dedi polıtsııadan. – Úı ıesi bolǵan oqıǵaǵa kýá bolady. Ol qylmyskerdi ustaýǵa tyrysqan, alaıda qolynan kelmegen».

Qylmysker belgisiz baǵytta izin sýytady. Úı ıesi dereý jedel járdem shaqyryp, polıtsııaǵa habarlasqan.

Oqıǵa ornyna jetken medıtsına qyzmetkerleri áıeldiń ólgenin anyqtady, al polıtseıler az ýaqyttyń ishinde kúdiktini ustady.

«Osy qylmysty jasaǵany úshin er adam QR Qylmystyq Kodeksiniń 99-babynyń 1-bólimine sáıkes 12 jylǵa bas bostandyǵynan aıyryldy. Ol jazasyn qatań rejımdegi kolonııada óteıdi», - dep málimdedi departamentten.

Ókim Ýspen aýdandyq sotynda qyrkúıekte shyqqan.


Bizdiń kanalymyzǵa jazylyńyz:

Bólisińiz:

Avtor:

Bıbihan Serikova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT