Pavlodar oblysynda brakonerler eki sileýsin men bir elik atyp alǵan
2022 jylǵy 18 qańtar 12:52

Pavlodar oblysynda brakonerler eki sileýsin men bir elik atyp alǵan

PAVLODAR. QazAqparat - Ustalǵandardyń arasynda úsh almatylyq bar, dep habarlaıdy QazAqparat tilshisi.

«Baıanaýyl aýdany, Qyzyltaý aýyldyq okrýgi aýmaǵynda sırek kezdesetin janýarlardy zańsyz aýlaǵany úshin toǵyz er adam ustaldy. O nyń úsheýi - Almaty qalasynyń turǵyndary. Sondaı-aq, ustalǵandardan sileýsinniń eki terisi men eliktiń tutas denesi tárkilendi»,-dep habarlady Pavlodar oblysy polıtsııa departamentiniń baspasóz qyzmeti.

Tártip saqshylarynyń aıtýynsha, brakonerler 2 qańtarda janýarlardy atyp óltirgen.

«Pavlodar oblysynda sileýsin aýlaýǵa tyıym salynǵan, al elik aýlaýǵa 2022 jyldyń 1 qańtarynan tamyzy aıyna deıin tyıym salyndy», - dep tolyqtyrdy PD.

Zańsyz ań aýlaý faktisi boıynsha sotqa deıingi qylmystyq tergeý bastaldy, saraptama taǵaıyndaldy.

2021 jyly tabıǵatty qorǵaý polıtseıleri zańsyz ań aýlaýdyń 481 jaǵdaıyn anyqtady.


Avtor:
Tilshi

Jańalyqtar

MURAǴAT