+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Ózbekáli Jánibekovke Almaty men Túrkistanda eskertkish ornatylmaq

2021 jylǵy 23 qazan 11:43
Bólisińiz:
Ózbekáli Jánibekovke Almaty men Túrkistanda eskertkish ornatylmaq

NUR-SULTAN. QazAqparat – Memleket jáne qoǵam qaıratkeri, tarıhshy-etnolog ǵalym Ózbekáli Jánibekovke Almaty men Túrkistan qalasynda eskertkish ornatylatyn bolady.

Uqsas jańalyqtar
Úkimet Ekologııalyq kodekstegi baǵalaýdyń jańa quraldary jaıynda málimettermen bólisti Shıkizattyq emes taýar eksporty 14 mlrd dollardy qurady - Sultanov 2021 jyldyń 8 aıynda Qazaqstan eksporty 16 paıyzǵa artty – Nurlan Ábdirov

Bul jaıynda Senat depýtattarynyń saýalyna QR Premer-Mınıstriniń orynbasary Eraly Toǵjanovtyń jaýabynda aıtylǵan, dep habarlaıdy QazAqparat tilshisi.

«Memleket jáne qoǵam qaıratkeri, tarıhshy-etnolog ǵalym Ózbekáli Jánibekovtyń 90 jyldyǵy Qazaqstan Respýblıkasy Táýelsizdiginiń 30 jyldyǵy aıasynda atap ótiletin ataýly datalar men jyldar tizbesine engizilgen. Osyǵan baılanysty Úkimet qoǵam qaıratkeriniń esimin qurmetteýge arnalǵan keshendi jumystar júrgizýde. Osy jyldyń tamyz-qyrkúıek aılarynda «Otyrar» memlekettik arheologııalyq qoryq-mýzeıinde «Ulttyq qundylyqtarymyzdy ulyqtaýshy – Ó. Jánibekov», «Otyrardyń taǵylymdy tulǵasy» atty kórmeler, «Ó.Jánibekov – ult mádenıetiniń janashyry» taqyrybynda respýblıkalyq ǵylymı-tájirıbelik konferentsııa, «Áziret Sultan» memlekettik tarıhı-mádenı mýzeı-qoryǵynda «Ult rýhyn ulyqtaǵan – Ó.Jánibekov» atty dóńgelek ústel uıymdastyryldy», - delingen Úkimet basshysy orynbasarynyń jaýabynda.

Vıtse-premerdiń atap ótýinshe, 19 qarashada Ońtústik Qazaqstan memlekettik pedagogıkalyq ýnıversıtetinde Ó.Jánibekovtiń 90 jyldyǵyna arnalǵan «Táýelsizdik – máńgilik eldiń tuǵyry» atty halyqaralyq-tájirıbelik konferentsııa jáne 8 jeltoqsanda «Babalar amanaty - Táýelsizdik» atty respýblıkalyq jastar aıtysy ótedi. M.Áýezov atyndaǵy Ońtústik Qazaqstan ýnıversıtetinde qarasha aıynda «Ult rýhyn ulyqtaǵan Ó. Jánibekov» atty dóńgelek ústel, sondaı-aq kitap kórmesi uıymdastyrylady. «Mıras» ýnıversıtetinde «Kórnekti etnograf jáne qoǵam qaıratkeri Ó.Jánibekovtiń shyǵarmashylyq murasy» taqyrybynda ǵylymı-praktıkalyq konferentsııa josparlanǵan.

«Ó.Jánibekovtiń qyzmeti men eńbegin nasıhattaýǵa arnalǵan is-sharalar basqa óńirlerde de óz jalǵasyn tabady. Máselen, Almaty qalasynyń ákimdigi Almaty qalasy kitaphanalarynda qaıratkerdiń 90 jyldyǵyna oraı dóńgelek ústelder, kórmeler uıymdastyrady. Búginde qoǵam qaıratkeriniń esimi Túrkistan qalasyndaǵy № 27 ІT-mekteplıtseıine, Túrkistan oblysynyń Otyrar aýdanyndaǵy № 4 mektep lıtseı ınternatyna berilgen. Atalǵan lıtseı-ınternatta Ó.Jánibekovtyń mýzeıi jumys atqarýda. Túrkistan qalasyndaǵy kóshege Ó.Jánibekovtiń esimi 2004 jyly berilgen. Kósheniń uzyndyǵy 1 300 metr, 80-85 úı ornalasqan, sýmen, jaryqpen qamtamasyz etilgen, abattandyrylǵan, asfalttanǵan. Qazirgi kúni qala ákimdigi Túrkistan qalasyndaǵy jańadan túsken kóshelerdiń birine qoǵam qaıratkeriniń esimin berý múmkindikterin qarastyrýda. Sonymen qatar Shymkent qalasynda Ó. Jánibekovtiń esimi berilgen 1 mektep jáne qala aýmaǵynda 1 úlken kóshe bar. Ó. Jánibekovtiń bıýsti Túrkistan qalasynda qaıratkerdiń esimimen atalatyn mektep aldynda, al eskertkishi Otyrar aýdany Sháýildir aýylynda ornatylǵan. Qazirgi ýaqytta Túrkistan oblysy ákimdigi memleket qaıratkerine arnalǵan eńseli eskertkishti Túrkistan qalasynda ornatý máselesin kelesi jyly Monýmenttik óner qurylystaryn ornatý jónindegi komıssııanyń qaraýyna usynýdy josparlaýda», - dedi Eraly Toǵjanov.

Onyń atap ótýinshe, búgingi kúni Almaty qalasyndaǵy Gogol kóshesiniń 37 meken-jaıyna Ó. Jánibekovke memorıaldyq taqta ornatý jumystary júrgizilýde. Almaty qalasynyń ákimdigi memleket qaıratkerine arnalǵan eskertkish ornatý máselesin qalalyq Tarıh jáne mádenıet eskertkishterin qorǵaý jónindegi komıssııanyń kezekti otyrysynyń qaraýyna engizetin bolady. Aqparat jáne qoǵamdyq damý mınıstrligi 2022 jylǵy memlekettik tapsyrys aıasynda «Qazaqstan» RTRK» AQ Ó.Jánibekov jáne K.Smaıylov týraly, «Habar» agenttigi» AQ Sh.Murtaza, Sh.Ýálıhanov týraly portrettik derekti fılmder daıyndaý úshin taqyryptyq tizimge qosýdy josparlap otyr.

«Sondaı-aq, qazirgi kezde Mádenıet jáne sport mınıstrligi Túrkistan oblysy ákimdigimen birlese otyryp, «Otyrar» memlekettik arheologııalyq qoryq-mýzeıine qarasty Arystanbab kesenesiniń aýmaǵynda ornalasqan Ó.Jánibekov kesenesin respýblıkalyq mańyzy bar tarıh jáne mádenıet eskertkishteriniń memlekettik tizimine engizý máselesin qarastyrýda. Qostanaı oblysynyń ákimdigi Arqalyqtaǵy «Dala ólkesi tarıhı oblystyq mýzeıine» Ó.Jánibektiń esimin berý boıynsha qoǵam pikirine zerdeleý júrgizip, tıisti qujattardy ázirleıtin bolady. Elimizdiń Táýelsizdiginiń 30 jyldyǵymen tuspa-tus kelgen kórnekti tulǵa Ózbekáli Jánibekovtiń 90 jyldyǵyn uıymdastyrý odan ári tıisti deńgeıde jalǵastyrylatyn bolady», - dedi vıtse-premer.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT