+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

Óskemen men Semeı qalasyndaǵy mektepter qashyqtan oqý formatyna kóshýi múmkin

2021 jylǵy 20 sáýir 22:56
Bólisińiz:
Óskemen men Semeı qalasyndaǵy mektepter  qashyqtan oqý formatyna kóshýi múmkin

ÓSKEMEN. QazAqparat – Óskemen men Semeı qalasyndaǵy mektepterdi qaıtadan qashyqtan oqytý formatyna kóshirý usynyldy, dep habarlaıdy QazAqparat tilshisi.

Shyǵys Qazaqstan mektepterindegi epıdemıologııalyq jaǵdaı búgin oblys ákimi Danıal Ahmetovtiń tóraǵalyǵymen ótken aımaqtyq úılestirý keńesiniń otyrysynda talqylandy. Bıylǵy oqý jylynyń basynan beri mektep oqýshylary arasynda koronavırýs juqtyrǵandar sany 1723-di quraǵan. Onyń ishinde 1172 bala qashyqtan oqydy. Balalardyń kóbisi úıde, ata-analary men basqa týystarynan juqtyrǵan. Búgingi tańda qaýipti dertke shaldyqqan 1635 oqýshy jazylyp shyqty.

«Tórtinshi toqsannyń basynan bastap aımaqta shtatty jáne aralas formatta oqıtyn balalar sany 26%-ǵa ósti. Sanıtarlyq-epıdemıologııalyq turaqtylyqty qamtamasyz etý boıynsha birqatar sharalar qabyldandy. Atap aıtqanda, mektepter aýmaǵy bloktarǵa bólinip, olardyń arasynda júrýge tyıym salynǵan. Ár synypqa jeke kabınet bekitildi. Koronavırýs juqtyrýdyń árbir jańa jaǵdaıyna jiti tekserý júrgiziledi», - dedi ShQO Bilim basqarmasynyń basshysy Saırangúl Jumadilova.

Alaıda soǵan qaramastan sáýir aıynda mektep jasyndaǵy balalar arasynda vırýsqa shaldyǵýdyń 131 faktisi tirkelgen. Onyń ishinde 92 oqýshy offlaın rejımde oqydy. Vırýs juqtyrǵandardyń kópshiligi Semeı (70) men Óskemende (41) anyqtaldy.

«Naýqas balalardyń ósýine baılanysty profılaktıkalyq sharalar kúsheıtilýde. Endi bir baladan ınfektsııa anyqtalsa búkil mektep qashyqtan oqytylady. Osy rette, Óskemen men Semeı shaharlaryndaǵy bilim ordalaryn onlaın formatta oqytýǵa kóshirýdi usynamyz. Óıtkeni mektepterde balalardy kishi toptarǵa bólýge oryn jetkiliksiz», - dedi basqarma basshysy.

Aımaq basshysy Danıal Ahmetov atalǵan usynystan birden bas tartyp, máseleniń sebep-saldaryn muqııat zertteýdi tapsyrdy.

«Semeıde Óskemenge qaraǵanda halyq sany az. Biraq sonda da oqýshylar arasynda koronavırýsqa shaldyqqandar kóp. Bul Semeıdegi bilim berý júıesinde olqylyqtar bar ekendigin kórsetedi. Onyń ornyn toltyrý úshin qala ákimi Nurymbet Saqtaǵanov pen Bilim basqarmasy tıisti sharalardy atqarý kerek», - dep qorytyndylady ákim.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT