USD 436.29 EUR 492.83
RUB 5.92 CNY 68.48
Jańalyqtar

Órt sóndirý mashınasynyń júrgizýshisi: Ózine senimdiler ǵana bunda qyzmet etedi

2021 jylǵy 18 qazan 07:10
Bólisińiz:
Órt sóndirý mashınasynyń júrgizýshisi: Ózine senimdiler ǵana bunda qyzmet etedi

QARAǴANDY. QazAqparat - QazAqparat tilshisi Qutqarýshylar kúnine oraı tótenshe jaǵdaılar qyzmetiniń mamandary týraly maqalalar serııasyn usynady. Búgingi keıipkerimiz – órt sóndirý mashınasynyń júrgizýshisi ıÝrıı Mak.

Órt sóndirý avtomobılderiniń júrgizýshileri árqashan kómekke kelýge daıyn bolyp qana qoımaı, ózderiniń qyzyl temir tulparlaryn tolyq jaýyngerlik ázirlikte ustaıdy.

Órt saldaryn jáne ózge de tótenshe jaǵdaılardy joıý kezinde tehnıkanyń rólin erekshe baǵalaý qıyn. Jeke quramdy jetkizýden, avarııalyq-qutqarý jumystaryn júrgizý úshin órt sóndirgish zattardy berýge deıin bul kúrdeli qyzmette júrgizýshilerdiń atqarar róli mańyzdy.



Júrgizýshiler arnaıy kólikti ózderi jóndeıdi. Sondyqtan, garajǵa kirgende, olardy qolyna qural-saıman ustap júrgenin nemese tipti mashınanyń astynda jóndeý jasap jatqanyn jıi kóreýge bolady. Órt sóndirý avtomobılderin árdaıym tehnıkalyq jaramdy kúıde ustaý – erekshe mańyzdy. Eshteńeni keıinge qaldyrýǵa bolmaıdy, jóndeý jumystaryn nemese shyǵyn materıaldaryn aýystyrý keıinge shegerilmeıdi. Sebebi qajet ýaqytta kólik jabdyǵy isten shyǵýy múmkin, al onyń jaramdyǵynan adam ómiri baılanysty.

Ádette, júrgizýshiler ózine senip tapsyrylǵan bólimshedegi barlyq avtomobıldi, olardyń barlyq álsiz jáne kúshti jaqtaryn jaqsy biledi, árdaıym jańadan kelgen júrgizýshilermen bólisedi. Órt kúzetine senim bolmasa, qyzmet etý múmkin emes. Jaýyngerler oqıǵa oshaǵyna únemi bir tizbekpen, bir-birine súıene jáne senip artyp kiredi. Jáne olardy oqıǵa ornyna jetkizetin, sýdy berýdi retteıtin júrgizýshilerge de dál sondaı senim artady.


«Dabyl boıynsha kezekshi qaraýylmen birge shyǵyp, árqashan joǵary jaýapkershilikti sezinesiń.

Birinshiden, qaraýyldy shaqyrý ornyna barynsha tez, al ekinshiden, uqypty jetkizý kerek. Óıtkeni, qarapaıym avtokólikter qozǵalatyn jalpy qalalyq kóshe joldarynda júrý ońaı emes. Shyny kerek, manevr jasaıtyn tehnıka emes. Jarqyraǵan maıaktarǵa, sırenalarǵa, belgilerge jáne jarqyraǵan tústerge qaramastan, bireý sizdi baıqamaı qalýy múmkin ekenin umytpaý kerek. Mysaly, keıbir adamdar qatty mýzyka tyńdaıdy nemese telefonmen sóılesedi. Ol adam meni ótkizbeýi múmkin. Sońynda kináli men bolamyn. Óıtkeni olar meni kórip, jol berip turǵandaryna kóz jetkizýim kerek.

Ókinishke oraı jeńil kólikpen soqtyǵysqanda, bir áriptesim zardap shekken. Ol da biz sııaqty órt bolǵan jerge asyǵyp bara jatty, órt sóndirýshilerdi tez jetkizýi kerek boldy. Bul oqıǵa árqashan esimde jáne jastarǵa da aıtyp otyramyn», – dep bólisti óz tájirıbesimen Qaraǵandy qalasynyń mamandandyrylǵan jasaǵynda jumys isteıtin órt sóndirý avtomobılin júrgizý jónindegi aǵa nusqaýshy-júrgizýshi, azamattyq qorǵaý aǵa praporıgi ıÝrıı Mak.

Mamandandyrylǵan tehnıka júrgizýshileri turǵyn úı aýlalarynda da kóptegen qıyndyqqa tap bolady. Ádette, aýla joly tar bolǵany azdaı, sonymen qatar kóbinese jeńil kólikterge de tolyp turady. Bul jaǵdaıda tek abaılap júrý ǵana mańyzdy emes. Eger adamdardy qutqarý nemese órt sóndirgish zattardy berý úshin baspaldaq usyný qajet bolsa, onda avtosatyny «tabanǵa» ornatý kerek. Al olardyń kólemi 4 metrden asady. Mine, osyndaı kezde tar aýlada oryn tańdaýǵa tyrysý qajet. Bir sózben aıtqanda, arnaıy tehnıkamen jumys isteý asqan daıyndyqty qajet etedi.

Órt sóndirý mashınalarynyń júrgizýshileri – bul jaı júrgizýshiler emes, olardyń árqaısysy óz isin súıetin jáne biletin kásipqoı jandar. Bul qyzmette basqasha bolmaıdy.

Qazan aıynda qutqarý mashınalarynyń júrgizýshileri birden eki kásibı merekeni – 19 qazanda Qutqarýshylar kúni men Qazaqstanda jyl saıyn qazannyń sońǵy jeksenbisinde atap ótiletin Avtomobılıst kúnin atap ótedi.

Barlyq júrgizýshilerdi merekelerimen quttyqtaımyz. Olarǵa kez kelgen aýa raıynda jaqsy jol jáne ár sapardan aman-esen oralýdy tileımiz!


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT