+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Oralda jańa katerler sýǵa túsirildi

2021 jylǵy 15 maýsym 15:46
Bólisińiz:
Oralda jańa katerler sýǵa túsirildi

ORAL. QazAqparat – Oralda «Mahambet batyr» jáne «Isataı batyr» shekara katerleri Shaǵan ózenine túsirildi, dep habarlaıdy QazAqparat tilshisi.

Uqsas jańalyqtar
Batys Qazaqstanda beıádep is-sharany uıymdastyrǵan kásipkerge 650 myń teńge aıyppul salynýy múmkin

Atalǵan katerler «Oral «Zenıt» zaýyty» AQ-da «Qaısar» jobasy boıynsha qurastyrylǵan.

Saltanatty rásimge qatysqan oblys ákimi Ǵalı Esqalıevtiń atap ótkenindeı, «Zenıt» zaýyty 1993 jyldan beri keme-katerler shyǵaryp, elimizdiń qorǵanys qabiletin nyǵaıtýǵa qomaqty úlesin qosyp keledi.

«Katerler teńiz shekarasyn, Qazaqstannyń ekonomıkalyq múddesin qorǵaýǵa, lańkestik áreketterdiń, balyqty zańsyz aýlaýdyń jáne taýarlardyń zańsyz tasymalynyń jolyn kesýge arnalǵan. «Zenıt» zaýyty – elimizde katerler men kemelerdi shyǵaratyn birden-bir otandyq kásiporyn. Aldaǵy ýaqytta da onyń keleshegi jarqyn bolatynyna senemin», dedi óńir basshysy.

QR UQK Shekara qyzmeti basqarmasynyń bastyǵy, 1 rangaly kapıtan Sabyr Hasanov «Zenıt» zaýytynda jasalǵan kemelerdiń Kaspıı teńizinde el shekarasyn abyroımen qorǵap kele jatqanyn jetkizdi.

«Qaısar» jobasy boıynsha jasalǵan atalǵan katerler de Kaspıı teńizinde paıdalanylatyn bolady. Onyń uzyndyǵy 14 metrdeı, eni 3,5 metrdeı. Sý yǵystyrylymy 15 tonnadaı bolatyn kater jyldamdyǵyn 35 ýzelge deıin údete alady. Katerde ekıpajǵa (4 adam) qosa qosymsha 4 qyzmetker ornalasa alady.

Eske sala keteıik, budan buryn Oralda qurastyrylǵan «Túrkistan» shaǵyn kúzet kemesiniń sýǵa túsirilgenin jazǵan bolatynbyz.

Sýretterdi túsirgen Rafhat Halelov


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT