Nur-Sultanǵa respýblıkalyq bıýdjetten 78 mlrd teńge bólinedi
2022 jylǵy 18 mamyr 23:10

Nur-Sultanǵa respýblıkalyq bıýdjetten 78 mlrd teńge bólinedi

NUR-SULTAN. QazAqparat – Nur-Sultanda Qoǵamdyq keńes otyrysynda 2022-2024 jyldarǵa arnalǵan qala bıýdjetiniń jobasy talqylandy, dep habarlaıdy QazAqparat tilshisi.

Bıýdjetti naqtylaý kirister boıynsha túsimder josparynyń 62,3 mlrd teńgege ulǵaıýyn, sondaı-aq respýblıkalyq bıýdjet parametrleriniń ózgerýin eskere otyryp júrgiziledi.

«Qosymsha kiristerdiń negizgi kózderi – 51 mlrd teńge somasyndaǵy salyq túsimderi bolyp otyr, onyń ishinde KTS boıynsha birjolǵy túsimder esebinen 31 mlrd teńgege, JTS boıynsha 6 mlrd teńgege ulǵaıtý usynylady. Eńbekaqy tóleý qorynan salyqtar jınaýynyń turaqty ósý serpini JTS boıynsha túsimderdi 23%-ǵa, áleýmettik salyq boıynsha túsimderdi 21%-ǵa ulǵaıtýǵa múmkindik berdi. Tıisinshe, jospar 8 jáne 6 mlrd teńgege artylǵan, aıyppul boıynsha naqty bir rettik túsimder 2 mlrd teńgeni, páter satý – 5 mlrd teńgeni, ózge túsimder 4,3 mlrd teńgeni qurady», - dedi qalalyq Strategııa jáne bıýdjettik josparlaý basqarmasynyń basshysy mindetin atqarýshy Aıjan Túgelbaeva.

Onyń aıtýynsha, respýblıkalyq bıýdjetten qalaǵa aldyn ala 78,2 mlrd teńge bólindi. Onyń ishinde ınvestıtsııalyq jobalardy iske asyrýǵa 72,2 mlrd teńge, basqa shyǵystarǵa 6 mlrd teńge baǵyttaý josparlanýda.

Qarajatty áleýmettik salany, bilim berýdi qoldaýǵa, joldardy jóndeýge, nóser káriziniń jumys isteýine, qalany abattandyrýǵa, kógaldandyrýǵa, turǵyn úı keshenderin salýǵa, buqaralyq sportty damytýǵa, mádenıet salasynda is-sharalar ótkizýge jumsaý josparlanýda.


Uqsas jańalyqtar

Jańalyqtar

MURAǴAT